reacción

Entrada incompleta Esta páxina está marcada para ser completada. Pode axudar no Galizionario completándoa.

Galego

• Etimoloxía: De re- e acción.

• Pronuncia: /reakˈθjoŋ/ (AFI)

Substantivo feminino

reacción (sg: reacción; pl: reaccións)

1. Acción provocada por outra e de efectos contrarios a esta.
2. Resposta a un estímulo.
   • Exemplo: A miña reacción á súa resposta non se fixo esperar.
     
     
3. Movemento de ideas ou doutrina que xorde, en relación cun movemento anterior, para opoñérselle, neutralizalo ou suplantalo.
   • Exemplo: A Contrarreforma foi a reacción da Igrexa católica fronte á Reforma protestante.
     
     
4. Tendencia política tradicionalista que, defendendo uns privilexios, trata de conservar as vellas estururas políticas opoñéndose a calquera tipo de cambio ou revolución.
   • Exemplo: A resposta da reacción foi inmediata: armaron un exército para esmagar a revolución liberal.
     
     
5. Por extensión, conxunto dos partidarios de dita tendencia.
   • Exemplo: Non debes de extrañarte, a reacción xa sabes cómo é.
     
     
6. Forma na que unha máquina, vehículo ou mecanismo responde a certos mandos.
   • Exemplo: Neste coche a reacción ao freo é moi brusca.
     
     
7. (Etoloxía) Modificación na postura dun animal provocada polo cambio dun elemento calquera do medio externo (factor físico, climático ou biótico) ou por unha variación do estado interno do propio animal (equibrios enzimáticos, homonais, etc.).
   • Exemplo: Entre as reaccións deste tipo destacan as adaptativas.
     
     
8. (Medicina) Cambio producido no organismo que tende a contrarrestar a influencia dun axente mórbido.
9. (Medicina) Cambio producido no organismo pola aplicación dun medicamento.
   • Exemplo: Coas inxeccións de penicilina a reacción foi rápida.
     
     
10. (Medicina) Período de calor e de aceleración do pulso que nalgunhas doenzas, sucede á de frío.
    • Exemplo: O náufrago, que presentaba hipotermia, entrou en reacción despois de tomar un café con leite ben quente.
      
      
11. (Medicina) Calquera das numerosas probas, as máis delas de laboratorio, que se realizan coa finalidade de detectar algunha modificación concreta, expresábel cuantitativa ou cualitativamente, para contribuír ao diagnóstico dunha enfermidade.
    • Exemplo: Unha das probas máis coñecidas é a reacción de Wassermann, para o diagnóstico da sífilis.
      
      
12. (Psicoloxía) Estado emocional que se desenvolve ante situacións especiais.
    • Exemplo: Tempo de reacción.
      
      
13. (Química) Acción recíproca entre dúas ou máis substancias que, compañadas dunha variación de enerxía, provoca a aparición de outra ou outras substancias diferentes ao alteración das proporcións das prexistentes.
    • Exemplo: Reacción de óxido-redución.
      
      
14. (Química) Carácter dunha solución iónica, segundo predominen nela os ións hidróxeno (ácida), os ións hidroxilo (básica) ou estean compensados ambos (neutra).
    • Exemplo: O suco gástrico presenta reacción fortemente ácida.
      
      
15. (Tecnoloxía) Sistema de propulsión no que o movemento de produce ao despedir o motor un chorro de gas a presión no sentido contrario ao da marcha. V. motor.
    • Exemplo: Un avión a reacción.
      
      

Locución substantiva feminina

• Reacción ácida. (Química) 1. Reacción dunha solución que posúe unha concentración de ións hidróxeno superior á concentración de ións hidroxilo. 2. Cambio de color dun reactivo indicador de ácido-base pola acción dun ácido.
• Reacción adversa. (Medicina) Calquera efecto nocivo ou non esperado dunha medicación, dunha proba diagnóstica ou dunha acción con fins terapéuticos.
• Reacción alcalina. (Química) 1. Reacción dunha solución que posúe unha concentración de ións hidroxilo superior á concentración de ións hidróxeno. Sinónimo: reacción básica. 2. Cambio de color dun reactivo indicador de ácido-base pola acción dunha base. Sinónimo: reacción básica.
• Reacción alérxica. (Inmunoloxía) Resposta do organismo a un alérxeno co que estivo previamente en contacto, e fronte ao que desenvolveu anticorpos.
• Reacción anafiláctica. (Inmunoloxía) anafilaxe.
• Reacción anamnésica. (Inmunoloxía) Reacción inmunolóxica que se produce nun individuo que foi anteriormente inmunizado contra un antíxeno determinado, pero que, cando se volve a administrar dito antíxeno, este fai aumentar a taxa do anticorpo correspondente, ou fai que reapareza se xa estivera desaparecido. V. anamnese.

Traducións

• Castelán: reacción ^(es).

Castelán

Substantivo feminino

reacción (sg: reacción; pl: reacciones)

1. Reacción.