roda

Galego

• Etimoloxía: do latín rŏta, con sonorización de oclusiva dental intervocálica.

• Pronuncia: [ˈrɔ.ðɐ] (AFI)

Substantivo feminino

roda (sg: roda; pl: rodas)

1. Peza circular asentada nun eixo arredor do que xira. Pode formar parte do sistema do rodado dun vehículo (carro, coche, etc.) ou dunha máquina (a roda dun reloxo, dun afiador, etc.).
2. (Alimentación) Ración, de forma circular, cortada dunha peza de carne, dun peixe ou dalgunhas froitas.
   • Exemplo: Primeiro hai que reboza-las rodas da pescada.
     
     
   • Sinónimos: choucha, toro.
3. Conxunto de persoas nunha actividade común.
   • Exemplo: Para segar fixemos unha roda con tódolos homes do lugar.
     
     
4. Xogo de rapazas no que dan voltas en círculo collidas da man.
   • Sinónimos: corro.
5. Bordo do tellado que separa da parede a auga que pinga cando chove.
   • Sinónimos: beirado, beiril, chapado, topete.
6. (Mariña) Parte do barco consistente tradicionalmente nunha peza de madeira situada na proa a continuación e encima da quilla.
7. (Ictioloxía) Peixe da familia dos mólidos de até mil quilos de peso.
   • Sinónimos: orellán, peixe lúa, peixe roda, roda de mar.
8. Quenda, vez.
   • Exemplo: A roda da fortuna nunca é unha.
     
     
   • Sinónimos: quenda.

Traducións

Peza circular asentada nun eixo arredor do que xira

Alemán: Rad (de) Castelán: rueda (es).

Francés: roue (fr). Luxemburgués: Rad (lb)

Portugués: roda (pt) Vasco: gurpil (eu)

Ración de forma circular

Castelán: rodaja (es).

Conxunto de persoas

Castelán: cuadrilla (es).

Xogo de rapazas

Castelán: corro (es).

Francés: roue (fr).

Bordo do tellado

Ver beirado.

Parte do barco

Castelán: roda (es).

Francés: étrave (fr)

Peixe

Ver peixe lúa.

Quenda, vez

Francés: roue (fr).

Termos relacionados

• peixe roda: peixe lúa (Mola mola).
• roda da proa: peza do barco.
• roda da popa: peza do barco.
• andar en roda viva: traballar apurado
• á roda: forma de segar coa gadaña.

Véxase tamén

• Apéndice: Partes do carro