007: Licencia para matar

007: Licencia para matar
	Logo do filme.
Ficha técnica
Título orixinal	Licence to Kill
Director	John Glen
Produtor	Albert R. Broccoli; Michael G. Wilson;
Guión	Michael G. Wilson; Richard Maibaum;
Baseado en	James Bond de Ian Fleming
Intérpretes	Timothy Dalton; Carey Lowell; Robert Davi; Talisa Soto; Anthony Zerbe;
Música	Michael Kamen
Fotografía	Alec Mills
Montaxe	John Grover
Estudio	Eon Productions
Distribuidora	MGM/UA Distribution Company (USA); United International Pictures (Internacional)
Estrea	Londres: 13 de xuño de 1989
Duración	133 minutos
Orixe	Reino Unido; Estados Unidos
Xénero	Acción
Orzamento	$32 000 000
Recadación	$156 100 000
Na rede

007: Licencia para matar (en inglés: Licence to Kill) é o décimo sexto filme de espías da franquía James Bond. Foi producido por Eon Productions, e foi o segundo e derradeiro filme protagonizado por Timothy Dalton no papel do axente 007. Foi o primeiro que non empregou o título dunha historia de Ian Fleming. Tamén foi o quinto e derradeiro filme da serie dirixido por John Glen. A historia ten elementos de dúas historias e unha novela de Ian Fleming, así como trazos dos contos xaponeses sobre os rōnin. No argumento, Bond é suspendido como axente do MI6 e investiga ó narcotraficante Franz Sanchez, que ordenou un ataque contra o seu amigo da CIA Felix Leiter e a violación e asasinato da súa muller durante a lúa de mel. Orixinalmente titulado Licence Revoked na liña do argumento, o nome foi modificado durante a posprodución xa que os tests coa audiencia asociaban o termo coa condución.