2 Fast 2 Furious

2 Fast 2 Furious (tamén coñecido como The Fast and the Furious 2) é un filme de acción estadounidense de 2003 dirixido por John Singleton, producido por Neal H. Moritz e guión de Michael Brandt e Derek Haas. É a segunda entrega da franquía Fast and The Furious  e unha secuela de The Fast and the Furious (2001). Os intérpretes principais son Paul Walker, Tyrese Gibson, Chris "Ludacris" Bridges, Eva Mendes e Cole Hauser. A película segue o ex-policía Brian O'Conner, quen con  Roman Pearce e a axente de alfándegas, Mónica Fuentes, pretende deter a Carter Verone, un narcotraficante.

2 Fast 2 Furious
Ficha técnica
Director	John Singleton
Produtor	Neal H. Moritz
Guión	Michael Brandt Derek Haas
Intérpretes	Paul Walker Tyrese Gibson Chris "Ludacris" Bridges Eva Mendes Cole Hauser
Música	David Arnold
Fotografía	Matthew F. Leonetti
Montaxe	Bruce Cannon Dallas Puett
Estudio	Mikona Productions GmbH & Co. KG Original Film
Distribuidora	Universal Pictures
Estrea	6 de xuño de 2003
Duración	103 minutos
Orixe	Estados Unidos
Orzamento	76.000.000 $
Recadación	236.300.000 $
Na rede
http://www.thefastandthefurious.com/

2 Fast 2 Furious é a única película da marca na que non aparece Vin Diesel, que rexeitou o proxecto para participar en xXx (2002). A maior parte do filme rodouse en Miami e  a súa estrea foi o 6 de xuño de 2003, recadando máis de 236.000.000 de dólares en todo o mundo cun orzamento de 76.000.000.  The Fast and the Furious: Tokyo Drift  (2006) foi a seguinte entrega da franquía.

Argumento

Despois de deixar escapar ao fuxitivo Dominic Toretto (Vin Diesel) na primeira película (The Fast and the Furious), o ex-oficial de policía Brian O'Conner (Paul Walker) mudáse dos Ánxeles a Miami para comezar unha nova vida, dende aquela pasou un ano. En Miami fixo novos amigos, como Tej Parker (Chris 'Ludacris' Bridges), un mecánico, Jimmy (MC Jin) e Suki (Devon Aoki). O'Conner agora faise chamar "La Bala" e compite na rúa en carreiras ilegais con apostas altas para gañar cartos, empregando as habilidades que lle aprendeu Toretto. Unha noite, tras gañar unha carreira, axentes de alfándegas dos Estados Unidos captúrano e ofrécenlle un trato para participar nunha investigación conxunta de alfándegas co FBI, en troco hanlle borrar os antecedentes dende que liscou dos Ánxeles. A operación consiste en carreiras nas ruas, mais ao saber que nin alfándegas nin o FBI teñen un corredor experimentado, O'Brian dille a Bilkins que será el quen o seleccione pola súa conta.

Elenco

Eva Mendes (nunha imaxe de 2005) dá vida a Monica Fuentes, unha axente de alfándegas infiltrada na banda de Carter Verone

• Paul Walker como Brian O'Conner.
• Tyrese Gibson como Roman "Rome" Pearce.
• Ludacris como Tej Parker.
• Eva Mendes como a axente Mónica Fuentes.
• Thom Barry como o axente Bilkins.
• James Remar como o axente Markham.
• Edward Finlay como o axente Dunn.
• Devon Aoki como Suki.
• Jin Auyeung como Jimmy.
• Amaury Nolasco como Orange Julius.
• Michael Ealy como Slap Jack.
• Cole Hauser como Verone.
• Roberto Sánchez como Roberto.
• Matt Gallini como Enrique.
• Mark Boone Junior como o detective Withworth.
• Eric Etebari como Darden "Hemi Driver Car".
• John Cenatiempo como Korpi "Yenko Driver Car".

Produción

Tras o éxito de público de Fast and The Furious fixéronse plans para realizar unha secuela, Michael Brandt e Derek Haas escribiuron o guión xunto con Gary Scott Thompson (o guionista do primeiro filme). Ao primeiro realizáronse dous tratamentos para o filme, nun deles non aparecía o personaxe de Vin Diesel no caso que o actor non quixese actuar na secuela . Singleton salientou Top Gun como unha grande influencia para a película, particularmente nas secuencias de acción.

 Preprodución

Paul Walker repetiu como Brian O'Conner en 2 Fast 2 Furious.

A Vin Diesel ofrecéronlle 25.000.000 de dólares por facer de novo na secuela de Dominic Toretto. Así a todo, rexeitou logo de ler o guión ao sentir que o seu potencial era inferior comparado co do anterior filme, e preferiu aparecer en The Chronicles of Riddick .

Paul Walker, que daquela rematara Timeline repetiu o papel de Brian O'Conner. Tyrese Gibson, tamén entrou no elenco, actuara anteriormente en Baby Boy de Singleton, o seu début como actor,  e interpretou a Roman Pearce. Pensouse tamén noutro destacado artista de rap Ja Rule para interpretar a Tej Parker, Rule que xa tivera un pequeno papel en The Fast and the Furious botouse atrás e o director contratou a Chris "Ludacris" Bridges, tamén cantante de rap pero non tan popular na época, a súa participación na película faríao popular e sería o protagonista de filmes como  Crash ou Hustle & Flow. O elenco tamén incluía a  Cole Hauser como o vilán Carter Verone, Eva Mendes como a axente secreta Mónica Fuentes e Devon Aoki como Suki, a única muller piloto na película.

Rodaxe

Algunhas escenas de condución extrema graváronse nunha longa ponte nos cayos de Florida

A rodaxe principal comezou no outono de 2002 e Mateo F. Leonetti serviu como director de fotografía. Rodouse principalmente en varias partes de Florida, como Miami Beach, Seven Mile Bridge e Homestead Air Force Base, a mansión de Hauser, propiedade de Sylvester Stallone, filmouse en Coral Gables.

Walker, un grande entusiasta dos automóbiles, conduciu persoalmente un Nissan Skyline GT-R modelo R-34 nas escenas de apertura do filme. Aoki non tiña carné de conducir nin experiencia ningunha en conducir, polo que recibiu clases de conducir durante a rodaxe para poder conducir un Honda S2000 AP1 na película. Gibson conduciu un  Mitsubishi Lancer Evolution VII convertible, e Michael Ealy un Toyota Supra Turbo MkIV modelo JZA80 que pertencera a Walker en Fast and The Furious.

Vehículos que aparecen en 2 Fast 2 Furious

• 
  Nissan Skyline GT-R de Walker
• 
  Mitsubishi Eclipse Spyder
• 
  Toyota Supra MkIV
• 
  Honda S2000 de Suki

Lanzamento

Recadación

2 Fast 2 Furious recadou 50.472.480 de dólares na súa estrea nos Estados Unidos en 3.408 cines, quedando en primeiro lugar na fin de semana. Durante os 133 días de exhibición fixo 127.154.901 no mercado interior. A película tivo o 15º mellor ingreso nacional bruto de 2003 e o 16º de todo o mundo de 2003. Internacionalmente fixo  109.195.760, recadando un total de 236.350.661 en todo o mundo.

Crítica

Rotten Tomatoes dálle unha taxa de aprobación do 36% baseados en 160 críticas, cunha media de 4.7/10. O consenso do sitio é: "Bela xente e belos coches nunha película que non porá en perigo as células do cerebro". Metacritic sobre 35 críticas dálle unha puntuación media ponderada de 38 sobre 100, indicando "xeralmente comentarios desfavorables".

Roger Ebert de Chicago Sun-Times deulle 3/4 indicando "será descerebrado pero fíxose con habilidade e estilo e, meu amigo, é rápido e furioso".