Acipenser

Acipenser é un xénero de peixes condrósteos, que é o tipo da subfamilia dos acipenserinos, da familia dos acipenséridos e da orde dos acipenseriformes.

Comprende 22 especies, segundo a clasificación do ITIS, ou 17, segundo a de FishBase, que son os esturións máis típicos, ou esturións propiamente ditos.

Etimoloxía

A etimoloxía de Acipenser é incerta; unha simple etimoloxía latina é improbábel debido ao feito da súa terminación en -er.

Porén, o termo podería derivar de acupensum vía acipensis seguida dalgúns reaxustes morfolóxicos, derivado de acus, que significa "agulla", e pensum termo que representaba a cantidade de la que debía tecerse nun día.

Acipenser designaría, daquela, o peixe coas barbelas en forma de agulla de calcetar, o que caracteriza ben o rostrum do animal.

Especies

Nota: Entre parénteses, os mares, ríos ou lagos onde vive cada especie ou, no seu caso, subespecie.

• Acipenser albertensis Lambe, 1902 - especie non admitida por FishBase
• Acipenser baerii Brandt, 1869 – (Asia: Siberia, ríos Obi, Ienisei, Lena etc.)
  • Acipenser baerii baerii J. F. Brandt, 1869 – (Siberia)
  • Acipenser baerii baicalensis A. M. Nikolskii, 1896 – (lago Baikal)
• Acipenser brevirostrum Lesueur, 1818 (Norteamérica: desde o río St. John no Canadá até o río St. Johns na Florida, USA)
• Acipenser dabryanus Duméril, 1869 – (Asia: sistema do río Yangtzé e Corea)
• Acipenser fulvescens Rafinesque, 1817 – (Norteamérica: río san Lourenzo-Grandes Lagos, baía de Hudson e conca do Mississippi)
• Acipenser gueldenstaedtii Brandt & Ratzeburg, 1833 – (Eurasia: mares Negro, Caspio e de Azov, e grandes ríos: Don, Danubio, Dniéper, Dniéster etc.)
• Acipenser kikuchii Jordan & Snyder, 1901 - especie non admitida por FishBase
• Acipenser medirostris Ayres, 1854 – (Norteamérica: desde as illas Aleutianas e o golfo de Alasca até Ensenada, México)
• Acipenser mikadoi Hilgendorf, 1892 – (Noroeste do Pacífico, mar de Bering, illa de Sakhalin, Xapón, Corea)
• Acipenser multiscutatus Tanaka, 1908 - especie non admitida por FishBase
• Acipenser naccarii Bonaparte, 1836 – (Europa: mar Adriático e ríos tributarios)
• Acipenser nudiventris Lovetsky, 1828 – (Europa: mares Negro, de Azov, Caspio e de Aral, ascendendo por algúns ríos: Danubio até Bratislava, Volga até Kazán e Ural)
• Acipenser ornatus Leidy, 1873 - especie non admitida por FishBase
• Acipenser oxyrinchus Mitchill, 1815 – (Atlántico occidental: península do Labrador, Terra Nova até ao nordeste de Florida. Ocasionalmernte áchase nas illas Bermudas e na Güiana Francesa, no norte do golfo de México e, en Europa, no mar Báltico e nos lagos Ladoga e Onega)
  • Acipenser oxyrinchus desotoi Vladykov, 1955 – (golfo de México)
  • Acipenser oxyrinchus oxyrinchus Mitchill, 1815 – (Atlántico)
• Acipenser persicus Borodin, 1897 – (Eurasia: conca do Caspio e o leste do mar Negro)
• Acipenser ruthenus Linnaeus, 1758 – (Eurasia: ríos que desaugan nos mares Negro, Caspio e de Azov, e Siberia desde o río Obi até o Ienisei)
• Acipenser schrenckii Brandt, 1869 – Asia: endémico do sistema do río Amur)
• Acipenser sinensis Gray, 1835 – Noroeste do Pacífico: a China e o Xapón)
• Acipenser stellatus Pallas, 1771 – Eurasia: mares Caspio, Negro, de Azov e Exeo, e ríos tributarios.
• Acipenser sturio Linnaeus, 1758 – esturión europeo, sollo rei – (Atlántico oriental: anádromo, remontando os ríos, deste Noruega até o golfo de Biscaia; historicamente, na Península Ibérica, mar Mediterráneo, Marrocos e Alxeria)
• Acipenser toliapicus Agassiz, 1844 - especie non admitida por FishBase
• Acipenser transmontanus Richardson, 1836 – (Pacífico oriental: desde Alasca até California)

Nomes galegos dalgunhas especies

Lahuerta e Vázquez propoñen nomes galegos para algunhas das especies do xénero Acipenser que teñen maior importancia pesqueira e comercial:

• Acipenser gueldenstaedtii Brandt & Ratzeburg, 1833 =
  Acipenser gueldenstaedtii colchicus Marti, 1940 – sollo rei do Danubio ou esturión do Danubio
• Acipenser medirostris Ayres, 1854 – sollo rei verde ou esturión verde
• Acipenser naccarii Bonaparte, 1836 – sollo rei do Adriático ou esturión do Adriático
• Acipenser nudiventris Lovetsky, 1828 – sollo rei ventre nu ou esturión ventre nu
• Acipenser stellatus Pallas, 1771 – sollo rei estrelado ou esturión estrelado
• Acipenser sturio Linnaeus, 1758 – sollo rei
• Acipenser transmontanus Richardson, 1836 – sollo rei branco

Véxase tamén

Bibliografía

• Burton, Maurice & Robert Burton (1984): Encyclopedia of Fish. Saint Louis, EE.UU: BPC Publishing. ISBN 0-7064-0393-2.
• Lahuerta Mouriño, F. e Vázquez Álvarez, F. X. (2000): Vocabulario multilingüe de organismos acuáticos. Santiago de Compostela: Xunta de Galicia. ISBN 84-453-2913-8.
• Nelson, Joseph S. (2006): Fishes of the World. John Wiley & Sons, Inc. ISBN 0-471-25031-7.
• Wiley, Edward G., en Paxton, J. R. & Eschmeyer, W. N. (eds.) (1988): Encyclopedia of Fishes. San Diego: Academic Press. pp. 76–79. ISBN 0-12-547665-5.

Outros artigos

• Actinopterixios
• Condrósteos
• Acipenseriformes

Ligazóns externas

• Lista de especies válidas do xénero Acipenser en FishBase.
• Lista de especies do xénero Acipenser en SIIT (en inglés)
• Acipenser en ADW (en inglés)
• Acipenser en NCBI (en inglés)