Acrocordón
Un acrocordón[1], é un pequeno tumor benigno que se forma principalmente en áreas onde a pel forma pregues (ou roza), como o pescozo, a axila e as inguas. Tamén poden aparecer na cara, xeralmente nas pálpebras.
| Acrocordón | |
|---|---|
| Clasificación e recursos externos | |
 Acrocordóns no pescozo | |
 Se cre que pode requirir tratamento, por favor, consúltello ao médico. |
Etimoloxía
editarO seu étimo provén do grego «ακροχορδον» (akrochordŏn), composto do termo «ακρος» (akros) que significa extremo e de «chordē» corda.
Dimensións e forma
editarAínda que se viron algúns de até 13 mm de longo[2], normalmente teñen o tamaño dun gran de arroz. A superficie dun acrocordón pode ser lisa ou irregular en aparencia e adoita levantarse desde a superficie da pel nun talo carnoso chamado pedúnculo. Microscópicamente, un acrocordón está formado por un núcleo fibrovascular, ás veces tamén con células adiposas, cuberto por unha epiderme insignificante. Non obstante, poden irritarse co afeitado, a roupa, as xoias ou o eccema.
Etioloxía
editar
Pénsase que os acrocordóns, como outras marcas cutáneas, se producen polo rozamento da pel, xa que moitas veces se atopan en pliegues e dobras da pel.[2] Algún estudo demostrou a existencia de virus do papiloma humano de baixo risco 6 e 11 nos acrocordóns, o que insinúa un posíbel papel na súa patoxénese[3] aínda que un estudo de 2012 non atopou asociación entre as etiquetas cutáneas e o VPH de baixo risco ou alto risco.[4] Os acrocordóns teñen unha prevalencia do 46% na poboación xeral.[5] Pénsase que existe un compoñente xenético causal.[6] Tamén son máis frecuentes en mulleres que en homes. Antes pensouse que os acrocordóns estaba asociada con pólipos colorrectales, pero os estudos demostraron que non existe tal conexión.[7] Raramente, poden estar asociados coa síndrome de Birt-Hogg-Dubé, acromegalia e síndrome de ovario poliquístico.[8]
O azucre no sangue e a insulina elevados están ligados a unha maior incidencia de marcas cutáneas a través dun mecanismo descoñecido.[9]
Tratamento
editarSe se desexa ou se xustifica a eliminación, pódese conseguir por un dermatólogo, un médico xeral ou un profesional con formación similar que pode usar cauterización, criocirurxía, escisión, láser ou ligadura cirúrxica para a súa eliminación.[10] Tamén están dispoñibles varios remedios caseiros, pero a maioría non están probados e algúns (por exemplo, o aceite da árbore do té) poden causar reaccións alérxicas na pel.[11]
Notas
editar- ↑ "bUSCatermos". aplicacions.usc.es. Consultado o 2022-05-23.[Ligazón morta]
- ↑ 2,0 2,1 "Cutaneous skin tag: MedlinePlus Medical Encyclopedia". medlineplus.gov (en inglés). Consultado o 2022-05-23.
- ↑ "Human papillomavirus and skin tags: Is there any association?". Indian Journal of Dermatology, Venereology and Leprology (en inglés). 2008-04-30. Consultado o 2022-05-23.
- ↑ "An Association of Human Papillomaviruses Low Risk and High Risk Subtypes with Skin Tag". www.ncbi.nlm.nih.gov (en inglés). Consultado o 23-5-2022.
- ↑ "Topic 606". www.emedicine.com/derm (en inglés). Consultado o 23 de agosto de 2012.
- ↑ "Skin-problems/acrochordons". www.womens-health-beauty.com (en inglés). Arquivado dende o orixinal o 29 de novembro de 2011. Consultado o 28 de novembro de 2011.
- ↑ "Skin tags are not a risk factor for colorectal polyps" (en inglés) 11. Xuño de 1989: 299–302. PMID 2754216. doi:10.1097/00004836-198906000-00011.
- ↑ "Diseases/acrochordon". www.thedoctorsdoctor.com (en inglés). 1 de decembro de 2008. Consultado o 28 de novembro de 2011.
- ↑ Tamega A, Pinheiro Aranha AM, Guiotoku MM, Miot LD,, Miot HA (1 de xaneiro de 2010). "Associação entre acrocórdons e resistência à insulina". Anais Brasileiros de Dermatologia 85: 25–31. PMID 20464083. doi:10.1590/S0365-05962010000100003.
- ↑ "Cutaneous skin tag". MEDLINEPLUS (en inglés). Consultado o 20 de agosto de 2012.
- ↑ MHS, Kristina Liu, MD (2020-03-23). "Skin tag removal: Optional but effective". Harvard Health (en inglés). Consultado o 2022-05-23.
Véxase tamén
editarWikimedia Commons ten máis contidos multimedia na categoría: Acrocordón  |
- Molluscum contagiosoum (unha enfermidade viral que ten un aspecto similar e que crece en áreas similares)
- Papiloma
- Verruga
Ligazóns externas
editar- To, Lennie; Vazquez, Thomas; Izhakoff, Nicole; Zaiac, Martin. Nevus Lipomatosus Cutaneous Superficialis Mimicking an Acrochordon (en inglés). Cureus, 2021 Feb 25; 13 (2), pp: e13554.
- Cómo eliminar los acrocordones - YouTube (en castelán)
- Acrocordones - wikiHow (en castelán)