Buque hospital
Un buque hospital, ou barco hospital, é un barco deseñado para servir principalmente como instalación de tratamento médico ou hospital, sendo operado na maioría dos casos por persoal militar.
Un barco hospital é un barco construído, ou adaptado, que está equipado para rescatar a náufragos, tratar aos enfermos e curar aos feridos.
A súa función é servir como centro de atención médica e ofrecer ao doente os mesmos coidados que un hospital en terra firme. A maioría dos buques hospital son barcos operados poas mariñas militares dos diferentes estados do mundo.
Durante a primeira e a segunda guerra mundial, algúns transatlánticos foron adaptados para usarse como barcos hospitais. O RMS Aquitania e o HMHS Britannic foron algúns deles. Os barcos hospitais modernos locen grandes cruces vermellas para gozar da protección das Convencións de Xenebra baixo a lexislación bélica.
Réxime xurídico
editar
Os barcos hospitais están amparados baixo a X Conferencia da Haia de 1907. O artigo cuarto desta Convención esbozou as restricións existentes para os buques hospital en tempos de guerra:[1]
- O buque debe estar claramente identificado como barco hospital.
- O buque deberá subministrar asistencia médica ao persoal ferido de calquera nacionalidade.
- O buque non será utilizado para fins militares.
- Os buques non interferirán ou obstaculizarán aos navíos inimigos.
- A Convención da Haia poderá autorizar que nacións belixerantes rexistren calquera buque hospital para investigar posíbeis violacións das restricións arriba sinaladas.
De violarse calquera das restricións, o buque será catalogado como unidade combatente inimiga e afundida. Porén, abrir fogo contra un buque hospital que cumpra coas regulacións poderá ser xulgado como un crime de guerra.
Notas
editar- ↑ "Laws of War: Adaptation to Maritime War of the Principles of the Geneva Convention (Hague X); 18 de outubro de 1907" (en inglés). Universidade de Yale. Consultado o 12 de maio de 2020.