Carallo

O termo carallo na lingua galega, ao igual que nalgunhas outras linguas romances (o portugués caralho, o italiano cazzo ou o castelán carajo), é o termo popular para designar o pene^[1], mais tamén é empregado a modo de interxección, denotando abraio, sorpresa ou anoxo. Na lingua galega cobra especial relevancia, de maneira que decote o carallo é desposuído do seu significado orixinal chegando a desvirtuarse até o punto de crear novas acepcións. Carallo tamén é un apelido moi común en Italia

Etimoloxía

A orixe do termo está no termo latino *caraculu ‘pau pequeno’.^[2] Outra teoría é que procede dun caraliu (con análoga evolución), ou de cassus ou carassus, mais neste caso é difícil (de feito seria o único caso) que acabar en "carallo", sendo o normal e previsíbel, "caraixo"*, "careixo"* ou mesmo "creixo"*, como for, por metáfora en xerga mariñeira facía referencia ao mastro maior dunha embarcación.^{[Cómpre referencia]}

Emprego de carallo

Expresións e frases feitas

Manda carallo
Manda carallo na Habana
O carallo 29. Ten a súa orixe no artigo 29 da lei electoral de 1907, que permitía que se só se presentaba un candidato nun determinado distrito, quedaba elixido automaticamente sen necesidade de eleccións. Así, os grandes partidos e caciques conseguían repartirse os distritos sen problemas. Nas eleccións entre 1910 e 1923, máis do 25 % dos deputados galegos foron elixidos deste xeito; en Pontevedra, o 50 %. "Isto explica que o tal artigo calase na cultura popular, até o punto de que parece derivarse del a coñecida expresión ¡o carallo 29' como sinónimo da arbitrariedade, sentido que aínda hoxe se mantén"^[3].
Que carallo
Bueno, carallo, bueno
Vai ao carallo
Vai rañar o carallo
Carallo!
Tóca(me/lle) o carallo
Máta(lle/me) o carallo
Arre carallo
Vai/Fai un sol de carallo
Ala, carallo
Ten carallo a cousa
Éche o carallo!
Hui que carallo!

Derivacións de carallo

Carallada
Carallán
Caralludo
Caralludamente
Caralla (dito popular: Cada can que lamba a súa caralla)
Escarallar
Escarallado

Notas

↑ Chacón Calvar, Rafael (2008), Carajo, carallo / Caralho, Carall, La Cueva de Zaratustra.
↑ Definición de Carallo no Dicionario de Galego de Ir Indo e a Xunta de Galicia.
↑ Villares, R. (2004): Galicia siglo XX. La Voz de Galicia, páx. 76.

[1] Chacón Calvar, Rafael (2008), Carajo, carallo / Caralho, Carall, La Cueva de Zaratustra.

[2] Definición de Carallo no Dicionario de Galego de Ir Indo e a Xunta de Galicia.

[3] Villares, R. (2004): Galicia siglo XX. La Voz de Galicia, páx. 76.

[1]

[2]

[3]