Carpaza macho

A carpaza macho ou estevón (Cistus populifolius), é unha especie fanerógama pertencente á familia Cistaceae.

Distribución e hábitat

Aparece na Península Ibérica e no sur de Francia (Narbona). Abunda en Andalucía, Estremadura e metade sur de Portugal. Aparece tamén en gran parte de Galicia, a cornixa cantábrica e as illas Baleares.

Medra nos mesmo lugares ca esteva (Cistus ladanifer) ocupando os lugares máis umbríos (por ser especie menos heliófila) e máis frescos.

Descrición

É unha planta do mesmo tamaño ca Cistus laurifolius. As súas follas son simples, opostas, longamente pecioladas, estreitadas na punta e acorazonadas na base, de xeito que se poden asemellar ás do lamigueiro (Populus spp.). As flores nacen en longos pedúnculos en forma de corimbos e son brancas e moi vistosas polo que, ás veces cultívase coma planta ornamental.

Taxonomía

Cistus populifolius foi descrita por Carl von Linné e publicado en Species Plantarum 1: 523. 1753.

Etimoloxía

Cistus: nome xenérico que deriva do grego kisthós latinizado cisthos = nome dado a diversas especies do xénero Cistus L. Algúns autores pretenden relacionala, pola forma dos seus froitos, coa verba grega kístē = "caixa, cesto".

populifolius: epíteto latino que significa " con follas como as do lamigueiro (xénero Populus").

Sinonimia

• Cistus cordifolius Mill.
• Cistus latifolius Sweet
• Cistus populifolius [ß] marianus Willk.
• Cistus populifolius [a] psilocalyx Willk.
• Cistus populifolius [alfa] narbonensis Willk.
• Cistus populifolius [b.] lasiocalyx Willk.
• Cistus populifolius f. marianus (Willk.) Grosser in Engl.
• Cistus populifolius f. narbonensis (Willk.) Grosser in Engl.
• Cistus populifolius subsp. major (Dunal) Heywood
• Cistus populifolius L. subsp. populifolius L.
• Cistus populifolius var. celtibericus Pau
• Cistus populifolius var. major Dunal in DC.
• Cistus populifolius var. minor Dunal in DC.
• Cistus populifolius L.
• Ledonia populifolia var. cordifolia Spach
• Ledonia populifolia var. longifolia Spach
• Ledonia populifolia (L.) Spach
• Libanotis populifolius (L.) Raf.

Véxase tamén

Outros artigos

• Características das cistáceas

Ligazóns externas

• Cistus populifolius en eFlore, L'encyclopédie botanique collaborative (en francés)