Cavalese
Cavalese (en alemán Gaßlöss) é unha comune (municipio) da provincia de Trento, rexión de Trentino-Tirol do Sur, en Italia.
| |||||
| Localización | |||||
|---|---|---|---|---|---|
| |||||
| País | Italia | ||||
| Rexión con estatuto especial | Trentino-Tirol do Sur | ||||
| Provincias | Provincia autónoma de Trento  | ||||
| Capital de | |||||
| Capital | Cavalese | ||||
| Poboación | |||||
| Poboación | 4.010 (2023) (88,36 hab./km²) | ||||
| Lingua oficial | lingua italiana | ||||
| Xeografía | |||||
| Superficie | 45,38 km² | ||||
| Altitude | 1.000 m | ||||
| Comparte fronteira con | |||||
| Santo padrón | Sebastián | ||||
| Organización política | |||||
| Membro de | |||||
| Identificador descritivo | |||||
| Código postal | 38033 | ||||
| Fuso horario | |||||
| Prefixo telefónico | 0462 | ||||
| Identificador ISTAT | 022050 | ||||
| Código catastral italiano | C372 | ||||
| Sitio web | comunecavalese.it | ||||
_2023.svg&lang=gl)
Xeografía
editarSituada a unha altitude de 1000 msnm, é unha estación de esquí e o centro principal do Val di Fiemme, un dos principais vales da rexión dos Dolomitas (Alpes Orientais).
O concello ten unha superficie de 45 km², e limita cos municipios de Varena, Tesero, Daiano, Carano, Castello-Molina di Fiemme e Pieve Tesino.
No ano 2018 tiña unha poboación de 4 075 habitantes, polo que a súa densidade de poboación, nese ano, era de 81 hab./km².
É unha localidade turística, animada en inverno polas achegadas pistas de esquí, e apreciada en verán polas suxestivas paisaxes e pola súa tranquilidade.
Evolución demográfica
editarA poboación rexistrada está en constante evolución: en 1936 había 2 736 habitantes, e en 1974 eran 3 547. En 2010 superou o limiar dos 4 000 habitantes.[1]
| Gráfica de evolución demográfica de Cavalese entre 1861 e 2001 |
 |
| Fonte ISTAT - elaboración gráfica de Wikipedia |
Subdivisións históricas
editarO circunscrición territorial sufriu os seguintes cambios: en 1928 a agregación de territorios dos municipios suprimidos de Carano, Daiano e Varena; en 1946 separación de territorios para a reconstitución dos municipios de Carano (Censo 1936: poboación residente 761), Daiano (Censo 1951: pob. res. 550) e Varena (Censo 1951: pob. res. 772).[2]
Historia
editarA orixe de Cavalese está testemuñada a finais da Idade de Bronce grazas á presenza dun castelo prehistórico.
Na época tardorromana e dos bárbaros, no outeiro de San Valerio, houbo un casteliño que logo evolucionou até un castelo e un santuario. A romanización do lugar vén confirmada tamén polo descubrimento dalgunhas moedas antigas e pola presenza dunha necrópole do século VI.
A cidade desenvolveuse a partir do século XII, cando se construíron muíños, serradoiros e ferrarías á beira do río Gambis para o procesamento do cobre. Desde o ano 1 000 o Val di Fiemme foi rexido polos bispos-príncipes de Trento, pero cun gran grao de autonomía, representado pola Magnifica Comunità.
Nos séculos XVI e XVII Cavalese converteuse nun lugar de vacacións para bispos e nobres do Trentino, que construíran alí os seus palacios. O palacio dos bispos converteríase na sede da Magnifica Comunità no século XIX.
No século XX houbo un gran desenvolvemento de edificios e turismo, coa construción de numerosos hoteis e novas estradas. Na segunda guerra mundial, durante a ocupación nazi, Cavalese foi escenario de enfrontamentos co movemento da Resistencia. A partir da posguerra, Cavalese desenvolveuse moito máis. En marzo de 1976 caeu a cabina dun teleférico, provocando a morte de 42 persoas. En 1998, unha estación de esquí preto de Cavalese foi o lamentable lugar onde tivo lugar a chamada "masacre de Cermis".
Deportes
editarCavalese foi tres veces a sede da chegada dunha etapa do Giro d'Italia, a primeira en 1969, a úlltima en 1997.
- Etapas do Giro d'Italia con chegada a Cavalese
| Ano | Etapa | Saída | km | Vencedor da etapa | Maglia rosa |
|---|---|---|---|---|---|
| 1969 | 21ª | Rocca Pietore | 131 |  Claudio Michelotto |
Felice Gimondi
|
| 1978 | 16ª | Mazzin (contra o reloxo individual) | 45 | Francesco Moser |
 Johan De Muynck
|
| 1997 | 18ª | Baselga di Piné (contra o reloxo individual) | 39 |  Serhij Hončar |
Ivan Gotti
|
Galería de imaxes
editar-
Centro da vila -
Palacio da Magnifica Comunità -
Fervenza do río Moena -
Paisaxe en outono -
Paisaxe en inverno
Notas
editar- ↑ ISTAT. Consultado o 4 de outubro de 2019.
- ↑ Fonte: ISTAT - Unità amministrative, variazioni territoriali e di nome dal 1861 al 2000. ISBN 88-458-0574-3.
Véxase tamén
editar| Wikimedia Commons ten máis contidos multimedia na categoría: Cavalese |
Bibliografía
editar- Touring Club Italiano (2006): Piccole città, borghi e villaggi. Milán. ISBN 978-8-8365-4145-4.
- Gorfer, Aldo (1977): Le Valli del Trentino, guida geografico-storico-artistico-ambientale. Trentino Orientale. Trento: Manfrini. ISBN 978-8-8702-4286-7.