Club de Futbol Badalona

CF Badalona
CF Badalona
Nome	Club de Futbol Badalona
Alcume(s)	Azulones
Fundación	1903
Estadio	Camp del Centenari,; Badalona, Barcelona
Inauguración	1936
Capacidade	10.000
Presidente	Fermín Casquete Álvarez
Adestrador	Bernardo Fuentes
Liga	2ªB - Grupo 3
2011-12	4º
Na rede
	http://www.cfbadalona.net/
Titular	Alternativo

O Club de Futbol Badalona é o club de fútbol máis importante da cidade de Badalona na provincia de Barcelona, Cataluña. Foi fundado en 1903 e xoga no grupo III da Segunda División B Española.

Historia

O actual Club de Futbol Badalona fundouse o 15 de maio de 1903, co nome de Football Bétulo Club polo atleta e músico Francesc Viñas Bosch, como unha escisión do Bétulo Sport (dedicado ao ciclismo, que creara a súa sección o ano 1900). En 1908, o club inscríbese nos rexistros federativos co nome de FC Badalona. Primeiro vestiu un uniforme azul e vermello a rallas con pantalón azul e non foi ata 1913 que adoptou o azul escapulado.

O primeiro terreo de xogo foi a praza do Sol, no barrio de Casagemes. No ano 1906 trasladouse ao campo do barrio de Manresà, preto de Montgat. En 1933 produciuse a fusión co Artiguense que fai que o club opte por cambiar de nome, pasa a denominarse Sport Club e trasládase ao outro extremo da cidade ao barrio de Artigues. O 11 de outubro de 1936, pouco despois do inicio da Guerra Civil, inaugurouse o campo da avenida de Navarra cun partido entre o Sport Club e o FC Barcelona.

Nos primeiros anos da posguerra o club atravesou moitas dificultades económicas. No entanto, consegue manterse desde 1947 a 1952 en Segunda División.

En 1953 o club perdeu a categoría e permaneceu en Terceira ata o 1963, chegando á militar durante cinco tempadas consecutivas en Segunda División. A forte crise industrial de principios dos anos setenta afectou ao futbol badalonés que entrou nunha longa etapa de crise. As achegas externas ao club foron practicamente nulas e o club por relevancia co tecido socioeconómico da cidade, era o do baloncesto.

Este proceso de decadencia do club parecía condenalo á desaparición nas vésperas de celebrar o seu centenario, pero a fusión coa Unió de l'Esport Badaloní, un club novo e en auxe, propiciada por Fermín Casquete deu novamente ás á entidade escapulada que ao final da tempada 2003-2004 conseguía o ansiado ascenso á Segunda División B.

Uniforme

Uniforme titular: Camiseta azul cunha barra escapulada branca, pantalón azul e medias azuis. Pequenos detalles amarelos en toda a indumentaria, en recordo ao CF Badaloní.
Uniforme alternativo: Camiseta azul claro cunha barra escapulada branca, pantalón azul claro e medias azul claro.
Terceiro uniforme: Camiseta marrón cunha barra escapulada laranxa, pantalón marrón e medias marróns.

Estadio

Artigo principal: Camp del Centenari.

Camp del Centenari, fundado en 1936, con capacidade para 10.000 persoas. Dimensións 105x65 metros. Situado na Avenida de Navarra rexistrou ultimamente cheos históricos, chegando a facerse a onda por primeira vez na historia no partido que lle proclamou campión de 2ºB contra o L'Hospitalet.

Está prevista a construción dun novo estadio municipal proxectado polo arquitecto francés Dominique Perrault para ser construído no Torrent de la Batllòria, que estaba proxectado para a década de 1990, pero que se demorou por desacordos entre a entidade deportiva e o Concello de Badalona.