Condado de Rennes
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
O condado de Rennes era unha xurisdición feudal do ducado da Bretaña centrada en Rennes. Os condes convertéronse en duques da Bretaña con Conan I, e o condado desapareceu integrado nos dominios ducais.
A principios do século VIII mencionouse un conde de Rennes e Nantes chamado Agateu, que era bispo de Nantes. O condado formou parte da Marca da Bretaña desde 753, e dependía de Nantes; en 799 a conquista da marca bretoa foi completada por Guiu de Nantes. En 843 Lamberto II, neto de Guiu, apoderouse de Nantes e quizais tamén de Rennes, pero despois perdeuna ante os normandos. En 845, despois da batalla de Ballon, o rei bretón Nominoe ocupou Vannes, Rennes e Nantes; estas foi cedidas a Lamberto II, que tamén ocupou Angers e acabou sendo recoñecido por Carlos o Calvo.
En 846 Bretaña foi recoñecida como independente por Carlos, pero Anjou, Nantes e Rennes quedaron fóra, e Carlos cedeunas a Amauri de Nantes. A inestabilidade da fronteira coa conquista bretoa de Angers levou ao devolver de novo a Nantes e Rennes a Lamberto, reconciliado con Carlos. Pero Lamberto pronto se aliou con Nominoe, invadiu Nantes e Rennes en 850 en axuda de Lamberto, e xuntos lanzaron incursións en Bessin e o condado de Maine. No verán de 850 Carlos o Calvo foi a Rennes, pero evitou os combates a campo aberto; estableceu gornicións nas cidades de Rennes e Nantes, e nomeou a Amauri como conde de Rennes e Vannes; pero cando abandonou a zona, Lamberto e Nominoe derrotaron ás gornicións das dúas cidades e recuperáronas (15 de agosto de 850). Amauri foi feito prisioneiro, e as fortificacións foron desmanteladas para evitar o regreso dos francos. Rennes e Vannes foron deixadas por Lamberto que, en 851, acompañou a Nominoe na súa ofensiva en Neustria; a repentina morte do rei bretón en Vendôme o 7 de marzo de 851 deixou a Lamberto á fronte do exército bretón, xunto a Erispoe, fillo de Nominoe e novo rei, e na batalla de Jengland esmagaron ás tropas de Carlos o Calvo (22 de agosto de 851) e, antes de fin de ano, por un acordo entre Carlos e Erispoe, se cedía Nantes e Rennes a Bretaña. Lamberto perdeu entón a esperanza de dominar a rexión, e intentou establecer un dominio entre Anjou e o baixo Maine, pero morreu no intento en 852. Erispoe cedería o condado en data descoñecida ao seu xenro Gurwant.
Lista dos condes de Rennes
editar| Reinado | Titular | Notas |
|---|---|---|
| ? contra 820 | Rorgon do Maine | Conde carolinxio. |
| ? a 876 | Gurwant | ? Non é mencionadp con este título nas fontes. |
| 876 a 888 | Judicaël | Neto de Erispoë. Fillo (?) do precedente. |
| 888 a ? | descoñecido | fillo (?) do precedente. |
| 920 a 970 | Judicaël Berengario | Filiación incerta - Segundo as hipóteses, sería flllo da precedente e de Pascweten. Unha hipótese máis recente faríao descender pola súa nai do conede ou marqués Berenger e polo seu pai (descoñecido) descendente da famillia de Erispoë quizais do Princeps Judicaël. |
| 970 a 992 | Conan I da Bretaña | Fillo do precedente - Duque da Bretaña |
| 992 a 1008 | Godofredo I da Bretaña | Fillo do precedente - Duque da Bretaña |
| 1008 a 1040 | Alan III da Bretaña | Fillo do precedente - Duque da Bretaña |
| 1040 a 1066 | Conan II da Bretaña | Fillo do precedente - Duque da Bretaña |
| 1066 a 1084 | Geoffroy Grenonat | Fillos ilexítimo d e Alan III da Bretaña - Conde vitalicio de Rennes |
| ? 1066 a 1072 | Havoisa da Bretaña | Irmá de Conan II da Bretaña - Condesa titular de Rennes |
| ? 1066 a 1084 | Hoël II da Bretaña | Esposo de Havoisa da Bretaña - Duque da Bretaña - Conde titular de Rennes |
| 1084 a 1112 | Alan IV da Bretaña | Fillo dos dous precedentes - Duque da Bretaña |
| 1112 a 1148 | Conan III da Bretaña | Fillo do precedente - Duque da Bretaña |
| 1148 a 1156 | Hoël III de Bretagne | Fillo do precedente - Duque pretendente da Bretaña |
| 1156 a 1158 | Berta da Bretaña | Filla de Conan III da Bretaña |
| 1158 a 1167 | Conan IV da Bretaña | Fillo da precedente - Duque da Bretaña |
| 1167 a 1181 | Henrique II de Inglaterra | "Gardián" de Constanza da Bretaña, filla do precedente - Rei de Inglaterra |
| 1181 a 1186 | Godofredo II da Bretaña | Fillo do precedente - Duque consorte da Bretaña |
| 1166 a 1201 | Constanza da Bretaña | Filla de Conan IV da Bretaña - Esposa do precedente - Duquesa da Bretaña |
| 1187 a 1203 | Artur I da Bretaña | Fillo dos dous precedentes - Duque da Bretaña |
O condado de Rennes integrouse entón no ducado da Bretaña baixo Pedro Mauclerc, duque consorte desde 1213 até 1237.