Convair 880

O Convair 880 é un reactor de pasaxeiros de fuselaxe estreita producido pola compañía estadounidense Convair, unha división de General Dynamics. Deseñouse para competir co Boeing 707 e o Douglas DC-8 sendo máis pequeno e rápido, pero ese nicho non tivo demasiada demanda. Cando foi introducido algúns círculos aeronáuticos afirmaban que se trataba do reactor de transporte máis rápido do mundo, cunha velocidade de 990 km/h.[1] Só se fabricaron 65 Convair 880 entre 1959 e 1962, e General Dynamics retirouse do mercado dos avións de pasaxeiros tras considerar que o proxecto 880 foi un fracaso. O Convair 990 foi unha variante máis longa e rápida do 880.

Convair 880
Tipo	pasaxeiros
Fabricante	Convair
Primeiro voo	27 de xaneiro de 1959
Introducido	maio de 1960
Produción	1959 - 1962
Unidades construídas	65
Variantes	Convair 990 Coronado