Copa do Mundo de Rugby
A Copa do Mundo de Rugby é a competición internacional máis importante do rugby. O evento está organizado pola asociación que goberna este deporte a nivel mundial, a World Rugby, e nel participan seleccións nacionais masculinas. O primeiro mundial foi celebrado en 1987, e dende entón se ven repetindo cada catro anos. O campión recibe a Copa Webb Ellis, bautizada co nome do lendario inventor do deporte do rugby William Webb Ellis.
  | ||
| ||
| Tipo | evento deportivo recorrente | |
|---|---|---|
| Deporte | rugby a 15 | |
| Organizador | World Rugby | |
| Número de participantes | 20 | |
| Localización e Datas | ||
| Vixencia | 1987 – | |
| Calendario da tempada | setembro – | |
| Período de ocorrencia | 4 | |
| Outro | ||
| Páxina web oficial | rugbyworldcup.com | |
     | ||
Catro seleccións acadaron o campionato nas dez edicións disputadas, Suráfrica catro veces, Nova Zelandia tres veces, Australia dúas veces e Inglaterra unha vez. A vixente campioa é Suráfrica, que derrotou a Nova Zelandia na final de 2023.
A Copa do Mundo de Rugby está considerada o terceiro evento deportivo máis importante a nivel internacional despois dos Xogos Olímpicos e da Copa do Mundo de Fútbol[1][2].
Formato
editarAs vinte seleccións que participan na Copa do Mundo están divididas en catro grupos de cinco equipos. Cada selección xoga un partido contra o resto dos equipos do seu grupo. As dúas seleccións que acadan máis puntos en cada grupo ó remate desta fase se clasifican para os cuartos de final.
As eliminatorias constan de cuartos de final, semifinais e final, e consisten en encontros únicos de eliminación directa. Nos cuartos de final o equipo gañador pasa a semifinais, e o perdedor queda eliminado. Nas semifinais o equipo gañador pasa á final, e o perdedor pasa a disputar o encontro polo terceiro e cuarto posto.
As edicións de 1987, 1991 e 1995 contaron con dezaseis equipos participantes. Dende 1999 foron vinte os equipos participantes. Está programado que dende a edición de 2027 a cifra de equipos participantes sexa de vinte e catro.
Resultados
editarForon vinte e seis as seleccións que participaron nas dez edicións disputadas da Copa do Mundo de Rugby entre 1987 e 2023. Das vinte e seis seleccións, trece acadaron a clasificación para os cuartos de final cando menos unha vez, tan só oito disputaron as semifinais, e unicamente cinco teñen xogado a gran final. Nova Zelandia estivo presente na metade das finais, gañando tres das cinco que disputou. Suráfrica tamén estivo presente na final da metade dos campionatos que disputou, que neste caso son oito, gañando as catro finais que disputou. Australia disputou catro finais gañando dúas, Inglaterra disputou catro finais gañando unha e Francia disputou tres finais sendo derrotada nas tres ocasións.
- Palmarés
        
|
 
|
   
|
   
|
   
|
Estatísticas
editarMáximos anotadores
editar
|
|
Notas
editar- ↑ "Events scores at Rugby WorldCup" Arquivado 06 de febreiro de 2008 en Wayback Machine. (en inglés)
- ↑ From the World Trade Organisation to the Rugby World Cup: how the Wallabies can help Australia exports Arquivado 08 de xaneiro de 2009 en Wayback Machine. (en inglés)