Depresión (psicoloxía)

Para outras páxinas con títulos homónimos véxase: Depresión.

A depresión é unha síndrome ou agrupación de síntomas nos que predominan os síntomas afectivos (tristura patolóxica, decaemento, irritabilidade, sensación subxectiva de malestar e impotencia fronte ás esixencias da vida) aínda que, en maior ou menor grao, tamén están presentes síntomas de tipo cognitivo, volitivo ou incluso somático, polo que podería falarse dunha afectación global da vida psíquica, facendo especial énfase na esfera afectiva. Non se debe confundir coa tristura ou cos cambios no estado de ánimo que responden de xeito proporcionado ás circuntasncias nas que se desenvolve a vida (por exemplo, a pena pola morte dun familiar). A base para distinguir a depresión destes cambios ordinarios, vén dada pola persistencia dos síntomas, a súa gravidade, a presenza doutros síntomas e o grao de deteroriación funcional e social que o acompaña.

Depresión
Clasificación e recursos externos
Melencolia I (ca. 1514), de Albrecht Dürer.
OMIM	608516
DiseasesDB	3589
MedlinePlus	003213
Aviso médico. Advertencia: A Wikipedia non dá consellos médicos. Se cre que pode requirir tratamento, por favor, consúltello ao médico.

Tratamento

A enfermidade abórdase con diferentes tipos de tratamentos, ben advertido que o máis normal é utilizar varios destes tratamentos de forma combinada:

• Tratamento farmacolóxico.
• Psicoterapia.
• Exercicio físico.

Véxase tamén

Outros artigos

• Ansiedade