Doutor Who

Doutor Who (Doctor Who na súa versión orixinal en inglés) é unha serie de televisión británica de ficción científica producida pola BBC.

Doutor Who
Formato	Drama de ficción científica
Creado por	Sydney Newman C. E. Webber Donald Wilson
Intérpretes	Varios Doutores (actualmente Peter Capaldi) Varios compañeiros (actualmente Pearl Mackie)
Tema de apertura	"Doctor Who theme music"
País de orixe	Reino Unido
Episodios	826 o 25 de decembro de 2015 (lista de episodios)
Produción
Duración	25 min. (1963–1984, 1986–1989) 45 min. (1985, 2005–presente) Outras duracións varias
Emisión orixinal
Canle de orixe	BBC One Versión orixinal TVG En galego
Formato de imaxe	405 liñas branco e negro (1963–1967) 625 liñas branco e negro (1968–1969) PAL 625 liñas en cor (1970–1989) 720x576 16:9 (2005–2008)
Primeiro episodio	23 de novembro de 1963
Derradeiro episodio	(presente)
Na rede
https://www.doctorwho.tv/ e https://www.bbc.co.uk/doctorwho
[ editar datos en Wikidata ]

Características

A serie trata das aventuras dun viaxeiro no tempo extraterrestre coñecido como O Doutor que, xunta cos seus compañeiros, explora o espazo e o tempo solucionando problemas, corrixindo desfeitas e enfrontándose a criaturas varias. Posúe unha nave espacial e temporal coñecida como TARDIS, que ten o aspecto dunha cabina de policía inglesa da década dos 50.

Foi emitida na BBC One desde 1963 até 1989, data na que se cancelou por baixas audiencias. Produciuse un filme en 1996 coa intención de ser un backdoor pilot, mais sen éxito, até que en 2005 se recuperou con éxito de audiencias. Posúe o Récord Guinness como o programa de televisión de ficción científica con máis anos de emisión, así como varios Premios Hugo e o Premio BAFTA á mellor serie dramática de 2006.

Personaxes

O Doutor

O Undécimo Doutor (Matt Smith) xunto coa compañeira de viaxes Amy Pond (Karen Gillian) na rodaxe da quinta tempada.

O personaxe do Doutor está rodeado de misterio, o seu mesmo alcume o indica, máis ao longo das temporadas o público coñece máis detalles sobre el. Sábese que provén do planeta Gallyfrey, berce dunha das razas máis poderosas de todos os tempos, os Timelords ou Señores do Tempo, capaces de utilizar o tempo e o espazo. Debido ao seu carácter belicista gañaron multitude de inimigos ao longo de toda a galaxia. Disto desligase o personaxe do Doutor, quen a bordo da TARDIS, acrónimo de Time And Relative Dimension In Space (Tempo e Dimensión Relativa no Espazo), unha nave espacial con forma de cabina de policía inglesa, trata de desfacer entortos e salvar vidas sempre e cando as súas actuacións non afecten o espazo-tempo.

O Doutor, como todo Timelord, ten a posibilidade de rexenerarse nun novo corpo cando esta preto da morte ata un límite de doce veces. Polo momento o personaxe rexenerouse xa once veces.

O 8 de maio de 2022 anunciouse que Ncuti Gatwa tomaría o relevo de Jodie Whittaker como o seguinte doutor, converténdoo no primeiro actor negro en encabezar a serie.

O Doutor	Interpretado por	Duración
Primeiro Doutor	William Hartnell	1963–1966
Segundo Doutor	Patrick Troughton	1966–1969
Terceiro Doutor	Jon Pertwee	1970–1974
Cuarto Doutor	Tom Baker	1974–1981
Quinto Doutor	Peter Davison	1981–1984
Sexto Doutor	Colin Baker	1984–1986
Sétimo Doutor	Sylvester McCoy	1987–1989, 1996
Oitavo Doutor	Paul McGann	1996
Noveno Doutor	Christopher Eccleston	2005
Décimo Doutor	David Tennant	2005–2010
Undécimo Doutor	Matt Smith	2010–2013
Duodécimo Doutor	Peter Capaldi	2013-2017
Décimo terceira Doutora	Jodie Whittaker	2017-2022
Décimo cuarto Doutor	David Tennant	2022-2023
Décimo quinto Doutor	Ncuti Gatwa	2023-

Compañeiros

O Doutor xeralmente viaxa con de 1 a 3 compañeiros. Na maioría das historias de Doutor Who, o compañeiro ofrece un substituto con quen o público poida identificar e promover a historia, facendo preguntas e meterse en problemas, ou axudando ou rescatar o Doutor. A maioría dos compañeiros do Doutor son humanos, con algunhas excepcións, como Kamelion, nisto, Adric, Turlough, Astrid e Romana. Dos compañeiros non-humanos, alén de robot K-9, son membros de razas humanoides. Ata a data, Romana e Susan son os únicos Timelords que viaxaron co Doutor.

Inimigos máis asiduos

Daleks

Os Daleks son os máis antigos inimigos do Doutor.

A raza dos Daleks, apareceu por primeira vez en 1963, e son os máis antigos inimigos do Doutor. Os Daleks son mutantes de voz metalizada protexidos nunha especie de tanque que actúa como armadura e que proceden do planeta Skaro. O seu papel principal na serie é o de exterminar a todos os seres inferiores a eles, chegando incluso a atacar os Señores do Tempo na Última Gran Guerra do Tempo. A súa aparición máis recente foi no episodio The Witch´s Familiar, na novena temporada da nova serie.

Cybermen

Os cybermen (ciberhomes en galego) eran orixinalmente unha especie de humanoides totalmente orgánicos orixinarios de Mondas, un planeta xemelgo á Terra que comezaron a implantar máis e máis partes artificiais nos seus corpos.

No 2006 presentouse unha variación totalmente nova dos Cybermen. Estes Cybermen Cybus foron creados nun universo paralelo polo inventor tolo John Lumic, quen estaba tentando preservar a vida dun ser humano a través do transplante dos seus cerebros en corpos de metal poderoso, enviándolles ordes a través dunha rede sen fíos e inhibindo as súas emocións cun chip electrónico.

The Master

The Master (o mestre en galego) é un Señor do Tempo renegado, arquienemigo do Doutor. Este personaxe apareceu por primeira vez en 1971 e o seu papel foi interpretado por varios actores debido a que como pertencente a esta raza, ten a capacidade de rexenerarse.

Davros

Procedente do planeta Skaro, este personaxe foi o creador dos Daleks.

Os Señores do Tempo

Aínda que non se declaran como inimigos oficiais do Doutor, ben é certo que en contadas ocasións teñen acontecido confrontacións entre ambos bandos, principalmente por conflitos de intereses. Na UGGT, o Doutor chegou a aniquilar a súa propia especie, xunto cos Daleks, para así poder rematar as hostilidades entre Daleks e Señores do Tempo, as cales produciran graves desastres no devir do Universo; máis tarde comprobouse que isto non fora de todo así.

Doutor Who en Galicia

A finais dos anos 80, a Televisión de Galicia emitiu os episodios protagonizados por Tom Baker como o cuarto doutor. Nesta versión o encargado de dobrar a súa voz foi o actor Gonzalo Uriarte.

Véxase tamén

Ligazóns externas

• Doutor Who en BBC Online (en inglés)
• Páxina web de Doutor Who no SciFi Channel (en inglés)
• Doctor Who: A Brief History Of Time (Travel) – Historia da produción de Doutor Who (en inglés)
• Doctor Who Online