Edmund C. Moy
Edmund C. Moy, nado en Detroit, Míchigan, o 12 de setembro de 1957, é un empresario e ex alto funcionario estadounidense, que ocupou o cargo de director da Casa da Moeda dos Estados Unidos (US Mint) entre 2006 e 2011.
 Edmund C. Moy Director da Casa da Moeda dos Estados Unidos (2006-2011) | |
| Biografía | |
|---|---|
| Nacemento | 12 de setembro de 1957. Detroit Míchigan |
| País de nacionalidade |  Estadounidense. |
| Educación |  Universidade de Wisconsin-Madison. |
| Actividade | |
| Ocupación | Director da US Mint. |
| Sitio web | edmoy.com  |
Traxectoria
editarPrimeiros anos e formación
editarEdmund C. Moy naceu en Detroit, Míchigan, o 12 de setembro de 1957, nunha familia de orixe chinesa-estadounidense, e criuose na localidade de Waukesha, Wisconsin.[1] Alí comezou traballando no restaurante que rexentaban os seus pais,[2] Tom e Rosa Moy, procedentes da provincia chinesa de Guangdong.[3]
Cursou o ensino secundario na North High School de Waukesha, onde se graduou en 1975, e posteriormente ingresou na Universidade de Wisconsin-Madison, na que se graduou en Economía, Relacións Internacionais e Ciencias Políticas en 1979,[1][4] logo de abandonar a carreira de Medicina, na que inicilmente se matriculara.[3]
Carreira profesional
editarEntre 1979 e 1989, Moy traballou como executivo de vendas para a compañía Blue Cross Blue Shield United, de Wisconsin.[5] Nese período desempeñou diversos postos en empresas do sector privado. Seguidamente foi nomeado director da oficina de Atención Sanitaria dentro da Administración de George H. W. Bush (1989-1993),[1][4] e logo exerceu a súa actividade laboral en diversas compañías entre 1994 e 2001. No período 2001-2006, Moy traballou na Administración de George W. Bush como axudante especial do presidente para o persoal presidencial.[6] Edmund C. Moy encargouse de supervisar os candidatos para os nomeamentos presidenciais nas áreas xerais de recursos humanos, naturais e culturais.[1][3][7]
En 2003 formou parte do equipo de transición do Departamento de Seguridade Nacional, que se acababa de crear.[1][4]
O 28 de xuño de 2006, o presidente Bush nominou a Moy como o 38º director da Casa da Moeda dos Estados Unidos,[1][3][8][9] como sucesor de Henrietta H. Fore.[10]
Foi galardoado coa medalla Alexander Hamilton ao servizo público, outorgada polo secretario do Tesouro, Henry M. Paulson. Entre 2001 e 2006, Moy foi asistente especial do presidente na Casa Branca.[9]
O 20 de decembro de 2010 anunciou a súa dimisión como director da US Mint, que se fixo efectiva o 9 de xaneiro de 2011. Logo de deixar este posto, Moy volveu ao sector privado, como vicepresidente encargado da estrutura corporativa da compañía L&L Energy, Inc.[11][12] A partir de 2014 é o xefe de estratexia de Fortress Gold Group.[13] Así mesmo, asesora e participa no consello de administración de diversas corporacións en sectores como o mercado de metais preciosos, tecnoloxía blockchain ou servizos de saúde.[3][9]
En 2021, Moy foi incluído na lista de persoas máis influentes do mundo no ámbito da numismática no período 1960-2020 pola revista do sector Coin World.[14]
Vida persoal
editarMoy é un participante moi activo en organizacións que reptresentan a comunidade asiático-americana e é membro do consello de administración da revista evanxélica Christianity Today International.[1][9]
En 1997, Moy sufriu unha doenza nerviosa debilitante durante dous anos e medio, que conseguiu curar logo dunha cirurxía cerebral.[1]
Moy está casado desde 1982 con Karen Johnson Moy,[1] e en 2006 adoptaron unha nena na China, chamada Nora Sue Moy e nada en 2005.[8]
Notas
editar- ↑ 1,0 1,1 1,2 1,3 1,4 1,5 1,6 1,7 1,8 "Moy nominated for Mint director". En Numismatic News. 21 de xullo de 2008.
- ↑ "About Edmund C. Moy Arquivado 02 de febreiro de 2022 en Wayback Machine.". MontgomeryChandler.com
- ↑ 3,0 3,1 3,2 3,3 3,4 "Meet Edmund C. Moy". Edmoy.com
- ↑ 4,0 4,1 4,2 "Edmund C. Moy, Director of United States Mint: Biography, Speeches and Statements". En CoinsNews.net
- ↑ US Congress (2007). Páxina 74.
- ↑ US Congress (2007). Páxina 73.
- ↑ Morgan Gold (2011). "Former Director of the United States Mint Edmund C. Moy Joins Morgan Gold As Company Spokesperson". Cision. PR Newswire. 8 de novembro.
- ↑ 8,0 8,1 US Congress (2007). Páxina 71.
- ↑ 9,0 9,1 9,2 9,3 "Ed Moy - Biography". NewsmaxFinance.com
- ↑ "Biography: Henrietta H. Fore". Unicef.
- ↑ "Director of United States Mint Resigns". United States Mint. 20 de decembro de 2010.
- ↑ "L&L Energy Announces Appointment of VP Corporate Infrastructure and Director of Accounting". En Cision. PR Newswire. 21 de decembro de 2010.
- ↑ "Fortress Gold Group Debuts Gold Webinar Series with Edmund C. Moy and Morgan Steckler". Edmoy.com
- ↑ Coin World: Celebrating 60-The Most Influential People in Numismatics 1960-2020. Amos Media. (2021). Páxina 128.
Véxase tamén
editarWikimedia Commons ten máis contidos multimedia na categoría: Edmund C. Moy  |
Bibliografía
editar- US Congress (2007). Nominations of Frederic S. Mishkin, Linda Mysliwy Conlin, J. Joseph Grandmaison, Edmund C. Moy, and Geoffrey S. Bacino. U.S. Government Printing Office, Washington, 2007.
Outros artigos
editarLigazóns externas
editar
| Predecesor: Henrietta H. Fore |
 Director da Casa da Moeda dos Estados Unidos 2006 - 2011 |
Sucesor: David J. Ryder |