Errol Flynn

Errol Leslie Thomson Flynn, nado en Hobart, Tasmania (Australia) o 20 de xuño de 1909 e finado o 14 de outubro de 1959, foi un actor estadounidense.

Errol Flynn

Biografía
Nacemento	(en) Errol Leslie Thomson Flynn 20 de xuño de 1909 Battery Point (Australia)
Morte	14 de outubro de 1959 (50 anos) Vancouver (Canadá)
Causa da morte	infarto agudo de miocardio
Lugar de sepultura	Forest Lawn Memorial Park
Residencia	Northampton (1933–1934) Barnes (en) (1923–1925) Hobart Os Ánxeles Papúa Nova Guinea Sydney Port Antonio (pt)
Educación	SHORE – Sydney Church of England Grammar School (en) The Hutchins School (en)
Altura	186 cm
Actividade
Ocupación	actor, director de cinema, escritor, actor de cinema, actor de xénero, guionista, realizador
Período de actividade	1932 - 1959
Empregador	Warner Bros.
Xénero artístico	Filme de acción, cinema dramático, filme de fantasía, Cinema negro, filme de misterio, cinema de aventuras, Western e cinema bélico
Familia
Cónxuxe	Patrice Wymore (1950–1959) Nora Eddington (1943–1949) Lili Damita (1935–1942)
Parella	Beverly Aadland
Fillos	Rory Flynn  () Nora Eddington Sean Flynn  () Lili Damita
Pai	Theodore Thomson Flynn
Premios
estrela no Paseo da Fama de Hollywood
Descrito pola fonte	Obálky knih,

Traxectoria

Era fillo do oceanógrafo, biólogo e botánico, Theodore Thomson Flynn. Dende rapaz, Errol mostrou unha personalidade hiperactiva, indisciplinada, moi impulsiva e aventureira. Foi matriculado nun prestixioso estabelecemento en Londres, o Eton College, e rematou en París, tras ser expulsado por indisciplinado da férrea institución británica onde cursaba os seus estudos.

Errol dedicouse entón ao deporte, decantándose decontado polo boxeo, e mesmo recibiu a oportunidade de representar o seu país, Australia, nos Xogos Olímpicos de 1928 en Ámsterdan. Porén, o mozo Flynn, inimigo da disciplina e do estrutural non aceptou a convocatoria e dedicouse a viaxar polos cinco continentes e a exercer os máis diversos oficios.

En América, foi atraído polo teatro de entre todas as opcións artísticas que barallou. Así, comezou a actuar en varias obras até que foi descuberto por un cazatalentos da Warner Bros. Os seus atributos físicos de sobra e unha personalidade histriónica e desbordante, contribuíron a que acadase os seus primeiros papeis. Debutou co título Capitán Blood (1935), pero a sona chegoulle coa interpretación de Robin Hood en As aventuras de Robin Hood. A consagración cinematográfica chegaríalle posteriormente con diversos papeis de galán.