Eudora Welty
Eudora Alice Welty, nada en Jackson (Mississippi) o 13 de abril de 1909 e finada na mesma cidade o 23 de xullo de 2001, foi unha escritora estadounidense que escribiu novelas e contos sobre o Sur dos Estados Unidos. Welty gañou o Premio Pulitzer en 1973 pola súa novela The Optimist's Daughter. Así mesmo, foi galardoada coa Medalla Presidencial da Liberdade en 1980. O seu fogar en Jackson foi designado como un Fito Histórico Nacional e está aberto ao público como un museo.
Traxectoria
editarWelty naceu en Jackson, filla de Chestina e Christian Welty, unha mestra e un executivo de seguros respectivamente. Eudora tivo dous irmáns, Edward e Walter.[1]
Estudou no Mississippi State College for Women e posteriormente asistiu á Universidade de Wisconsin-Madison e a Columbia Business School na Universidade de Columbia. Mentres estaba na Universidade de Columbia, foi a capitá do equipo feminino de polo e frecuentaba o café de Romany Marie durante os anos 1930.[2]
Viviu a maior parte da súa vida na veciñanza de Belhaven en Jackson, nunha casa que os seus pais construíran en 1925. Posteriormente, doou a casa ao Departamento de Historia e Arquivos de Mississippi. A casa foi preservada e convertida en museo tras ser declarada un Fito Histórico Nacional.
Durante os anos trinta, Welty traballou como publicista para a Works Progress Administration, un traballo que a fixo viaxar por todo Mississippi. Welty aproveitaba o seu tempo para tomar fotografías, especialmente as que manifestaban os efectos da Gran Depresión. Por entón, tratou de expor as súas fotografías. Publicáronse varias coleccións das súas fotografías, incluíndo One Time, One Place (1971) e Photographs (1989).
A partir da década de 1950 abandonou a fotografía e dedicouse completamente a escribir.[3] Xa o seu primeiro conto, "Death of a Traveling Salesman", foi publicado en 1936. O seu traballo chamou a atención da escritora Katherine Anne Porter, quen se converteu na súa mentora e escribiu o prefacio para o seu primeiro libro de contos, A Curtain of Green (1941). O libro converteu a Welty nunha das novas figuras literarias estadounidenses.
A súa novela The Optimist's Daughter gañou o Premio Pulitzer á Novela en 1973. Así mesmo, en 1992, recibiu o Rea Award for the Short Story polas súas contribucións aos contos estadounidenses.
Welty era membro da Fellowship of Southern Writers, fundada en 1987. Tamén ensinou composición creativa en diversos obradoiros e universidades.
Honras
editar
- En 1990, Steve Dorner bautizou o seu programa de correo electrónico "Eudora", inspirado polo conto de Welty "Why I Live at the P.O."[4] Informouse que Welty estaba "agradecida e divertida" polo tributo.[5]
- En 1973, o estado de Mississippi estableceu o 2 de maio como o "Día de Eudora Welty".[6]
- Cada mes de outubro, a Mississippi University for Women é sede do "Eudora Welty Writers' Symposium" para promover e celebrar a obra de escritores sureños contemporáneos.[7]
- O profesor de escultura da Universidade Estatal de Mississippi Critz Campbell deseñou mobiliario inspirado por Welty, que apareceu na revista Smithsonian, The New York Times, Los Angeles Times, The Washington Post, na revista Elle e en Discovery Channel.
- Un retrato de Welty pintado pola súa amiga Mildred Nungester Wolfecolga na National Portrait Gallery do Smithsonian.
Obras
editarLibros de contos
editar- Morgana: Two Stories from The Golden Apples (1988)
- The Collected Stories of Eudora Welty (1982)
- Moon Lake and Other Stories (1980)
- Thirteen Stories (1965)
- The Bride of the Innisfallen and Other Stories (1955)
- Selected Stories (1954)
- The Golden Apples (1949)
- Music from Spain (1948)
- The Wide Net and Other Stories (1943)
- A Curtain of Green (1941)
- "A Worn Path" (1940, conto individual)
- "Death of a Traveling Salesman" (1936, conto individual)
Novelas
editar- The Optimist's Daughter (1972)
- Losing Battles (1970)
- The Shoe Bird (1964)
- The Ponder Heart (1954)
- Delta Wedding (1946)
- The Robber Bridegroom (1942)
Non ficción
editar- 3 Minutes or Less (2001)
- The Norton Book of Friendship (1991, editora)
- One Writer's Beginnings (1983, autobiografía)
- The Eye of the Story (1978)
- Three Papers on Fiction (1962)
Notas
editar- ↑ Johnston, Carol Ann (febreiro de 2005). "Eudora Welty" (en inglés). Universidade de Mississippi. Arquivado dende o orixinal o 01 de outubro de 2015. Consultado o 27 de xuño de 2009.
- ↑ Whitaker, Jan (2002). Tea at the Blue Lantern Inn: A Social History of the Tea Room Craze in America (en inglés). Nova York: St. Martin's Press. pp. 42. ISBN 0-312-29064-0.
- ↑ Rosenberg, Karen (13 de xaneiro de 2009). "Eudora Welty's work as a young writer: Taking pictures" (en inglés). The New York Times. Consultado o 27 de xuño de 2009.
- ↑ "Historical Backgrounder Arquivado 08 de novembro de 2002 en Wayback Machine.". Eudora.com. Consultado o 28 de novembro de 2011.
- ↑ Thomas, Jo (21 de xaneiro de 1997). "For Inventor of Eudora, Great Fame, No Fortune". The New York Times. Consultado o 10 de agosto de 2014.
- ↑ "[1] Arquivado 20 de outubro de 2014 en Wayback Machine.". Mississippi Writers and Musicians, consultado o 17 de marzo de 2012
- ↑ "Eudora Welty Writers' Symposium" Mississippi University for Women. Consultado o 28 de novembro de 2011.
Véxase tamén
editarBibliografía
editar- Gwin, Minrose. Mourning Medgar: Justice, Aesthetics, and the Local., 11 de marzo de 2008. Southern Spaces.
- Kuehl, Linda (outono de 1972). "Eudora Welty, The Art of Fiction No. 47". The Paris Review.
- Pollack, Harriet (2016). Eudora Welty’s Fiction and Photography: The Body of the Other Woman. Athens: The University of Georgia Press. ISBN 978-0-8203-4870-4.