Gaua

Gaua (anteriormente coñecida como Illa Santa María) é a maior das Illas Banks na provincia de Torba no norte de Vanuatu. Ten unha superficie de 342 km².

Gaua

Tipo	illa
Parte de	Illas Banks
Situado na entidade xeográfica	Illas Banks
Localización
División administrativa	Torba, Vanuatu
14°15′54″S 167°31′12″L
Bañado por	Mar do Coral
Características
Altitude	455 m
Dimensións	20 () × 21 () km
Punto máis alto	Monte Gharat (pt)  (797 m )
Superficie	328,2 km²

Xeografía física

Conta cun terreo accidentado, a maior altura chega ata os 797 m. do Monte Gharat, o pico do volcán activo no centro da illa. A erupción máis recente foi en 2011. O volcán ten unha caldeira de 6 x 9 km, no que se atopa un lago de cráter coñecido como Lago Letas, o lago máis grande de Vanuatu. Ao leste do lago atópase a Fervenza Siri (120 m de caída).

Poboación e idiomas

A illa tiña unha poboación de 2.491 habitantes en 2009, cunha taxa de crecemento anual do 2,0 por cento. Esta poboación atópase dispersa en varias aldeas da costa nos lados oeste, sur e nordés da illa. O lado leste ten algunhas aldeas cunha poboación de inmigrantes procedentes principalmente das dúas illas máis pequenas Merig e Merelava, ao sueste de Gaua. O pobo máis grande é Jolap, na costa oeste.

Ademais da lingua desta poboación inmigrante (Mwerlap), hai cinco linguas faladas tradicionalmente en Gaua: Lakon ou Vuré; Olrat, Koro, Dörig e Nume.

Historia

Gaua foi avistada por primeira vez polos europeos durante a expedición española de Pedro Fernández de Quirós, do 25 ata 29 o abril de 1606. O nome da illa cartografouse como Santa María.

Economía

A poboación de Gaua vive da economía agrícola tradicional da Melanesia, en combinación coa pesca e a horticultura. As principais exportacións son a copra e o cacao. Gaua ten un aeroporto (código ZGU).

• 
  Habitantes locais
• 
  Mapa de Gaua
• 
  Erupción do volcán de Gaua

Ligazóns externas

• Volcano World: Gaua
• Detailed list and map of the Banks and Torres languages, including those of Gaua