Guerra convencional
Atención: Este artigo ou sección semella conter investigacións orixinais. |
A guerra convencional é un tipo de guerra que se realiza utilizando teorías, medios, estratexias e tácticas tradicionais, no contexto dun conflito armado entre dous ou máis estados abertamente hostís. As forzas de ambos bandos quedan ben definidas, adoitan combater en campos de batalla definidos e loitan con armamento cuxo obxectivo primordial é o exército inimigo e as súas infraestruturas. Normalmente, o termo guerra convencional exclúe o uso de armas de destrución masiva e especificamente o uso de armas nucleares.
En xeral, o propósito da guerra convencional é debilitar ou destruír as forzas militares do inimigo, para negarlle a posibilidade de seguir combatendo e obrigar á súa dirixencia política a renderse. Con todo, pode darse que algún dos bandos utilice tácticas non convencionais para forzar a capitulación. Este feito, e o enorme poder dalgunhas armas convencionais contemporáneas, fan que o límite entre guerra convencional e outros tipos de guerra poida ser difuso.