Haim

Haim é unha banda estadounidense de pop rock procedente dos Ánxeles, California. O grupo está composto polas irmáns Este Arielle, Danielle Sari e Alana Mychal Haim, xunto co batería Dash Hutton, fillo de Danny Hutton e anteriormente membro das bandas Wires on Fire e Slang Chicken. O son pop do seu traballo no estudio contrasta coa música máis aseada no rock dos seus directos.

Haim
Haim en 2013.
Orixe	San Fernando Valley, Os Ánxeles, California,
Período	2007 - presente
Xénero(s)	pop rock, soft rock, R&B
Selo(s) discográfico(s)	Polydor, Columbia
Membros	Este Arielle Danielle Sari Alana Mychal Haim Danny Hutton
Na rede
haimtheband.com

As tres irmáns medraron nunha familia de músicos, e comezaron a tocar instrumentos a idades moi novas en bandas de versións cos seus pais. Comezaron a actuar como Haim en 2007, pero non consideraron seriamente a súa carreira profesional ata pasados uns anos. Este fixo un grao en Etnomusicoloxía, mentres que Danielle converteuse nunha exitosa guitarrista de xira Jenny Lewis e Julian Casablancas. Isto levou a que Haim se reactivase e pasase a ocupalas a tempo completo no ano 2012.

A primeira edición do grupo foi o EP Forever, publicado como descarga por tempo limitado. Grazas a unha boa recepción no festival South by South West, conseguiron un contrato discográfico con Polydor Records e a un de xestión co grupo Roc Nation de Jay-Z a mediados de 2012. A banda comezou a gravar mterial para o seu primeiro álbum, Days Are Gone, mentres xiraba, chegando a tocar no Glastonbury Festival. Days are Gone chegou ao top 10 en varios países, sendo número 1 no Reino Unido, e o grupo gañou varios premios cara finais do 2013. No ano 2014 atopábanse gravando o seu segundo álbum.

Discografía

Álbums de estudio

Álbum	Ano	Selo
Days Are Gone	2013	Polydor, Columbia
Something to Tell You	2017	Polydor
Women in Music Pt. III	2020	Polydor, Vertigo Berlin, Columbia

EPs

• Forever - 2012 (National Anthem)
• iTunes Festival: London 2012 - 2012 (Polydor)
• iTunes Festival: London 2013 - 2013 (Polydor)

Véxase tamén

Ligazóns externas

• Páxina oficial Arquivado 08 de xullo de 2018 en Wayback Machine.