Himenio

O himenio é unha camada de tecido do himenóforo do corpo frutífero dun fungo, onde as células se desenvolven en basidios e ascos produtores esporas. O himenio é a parte fértil do basidiocarpo dos basidiomicetos e dos ascocarpos dos ascomicetos, formada polos basidios ou ascos dependendo da clase do fungo e, cando existen, polos filamentos estériles que os ligan ao basidiocarpo ou ao ascocarpo (estes filamentos chámanse cistidios nos basidiomicetos). Acotío os cistidios son importantes para a identificación microscópica.

Ilustración do himenio de Agaricus bisporus.

Nalgunhas especies, todas as células do himenio desenvólvense en basidios ou ascos, mentres noutras células desenvólvense en células estériles chamadas cistidios (basidiomicetos) ou paráfises (ascomicetos). Os cistidios son moitas veces importantes na identificación microscópica. O subhimenio consiste en hifas de soporte a partir das cales se desenvolven as células do himenio, e baixo o cal se sitúa a trama, as hifas que constitúen a masa do himenóforo.

A posición do himenio é tradicionalmente a primeira característica usada na clasificación e identificación de cogomelos. Abaixo atópanse algúns exemplos de diversos tipos que aparecen nos Basidiomycota e Ascomycota macroscópicos.

• Nos agáricos o himenio sitúase nas faces verticais das lamelas.
• Nos boletos atópase nunha masa esponxosa de tubos que apuntan para baixo.
• Nos peidos de lobo é interno.
• Nos da familia Pezizaceae, atópanse na superficie cóncava da cunca.
• Nos do xénero Hydnum, medra na banda externa das espiñas con forma de dentes.

Galería de imaxes

• 
  Lamelas dun exemplar de rebentabois (Amanita muscaria)
• 
  A andoa anelada (Suillus luteus), da orde Boletales con poros de amarelo forte
• 
  Lycoperdon pyriforme un peido de lobo
• 
  Un exemplar de carallán (Phallus impudicus)
• 
  A copa do fungo Sarcocypha austriaca
• 
  Grandes poros angulares do Polyporus alveolaris, un políporo con poros hexagonais

Notas

• Régis Courtecuisse, Bernard Duhem : Guide des champignons de France et d'Europe (Delachaux & Niestlé, 1994-2000). ISBN 2-603-00953-2

Véxase tamén

Ligazóns externas

• APSnet|3=Illustrated Glossary of Plant Pathology: Hymenium - Hymenium of an ascomycete, Monilinia fructicola
• Murphy Mycological Images - Hymenium of a basidiomycete, Russula laurocerasi^{[Ligazón morta]}
• IMA Glosario micolóxico: Himenio
• IMA Glosario micolóxico: Subhimenio
• APSnet Glosario ilustrado da patoloxía das plantas: Himenio Himenio dun ascomiceto, Monilinia fructicola
• Jack Murphy Mycological Images: Hymenium Hymenium of a basidiomycete, Russula laurocerasi