Jacques Becker

Jacques Becker foi un director de cine francés, nado o 15 de setembro de 1906 en París e finado o 21 de febreiro de 1960 en París, é o pai do tamén director Jean Becker.

Jacques Becker

Biografía
Nacemento	(fr) Jacques Louis Thomas Becker 15 de setembro de 1906 1º distrito de París (Francia)
Morte	21 de febreiro de 1960 (53 anos) 16º distrito de París (Francia)
Causa da morte	Hemocromatose
Lugar de sepultura	Cemiterio de Montparnasse, 22
Actividade
Lugar de traballo	Francia
Ocupación	guionista, actor de cinema, actor, director de cinema, realizador
Período de actividade	1931 - 1960
Obra
Obras destacables (1943) It Happened at the Inn (en) (1951) Edward and Caroline (en) (1952) Casque d'Or (pt) (1954) Touchez pas au grisbi (pt) (1960) The Hole (en)
Familia
Cónxuxe	Françoise Fabian (1958–1960), morte do cónxuxe
Fillos	Sophie Becker, Jean Becker, Étienne Becker
Premios
(1949)  Premio Louis-Delluc, premiado polo traballo Rendezvous in July (en)
Descrito pola fonte	Grande Enciclopedia Soviética 1969-1978, (sec:Беккер Жак)

Biografía

O pai de Jacques Becker era administrador da sociedade Fulmen e súa nai, de orixe inglesa, levaba unha casa de costura en París. A familia pasaba regularmente as vacacións en Marlotte sur Loing, e frecuentaba a Paul Cézanne, o fillo do pintor. Nunha destas viaxes coñeceu a Jean Renoir, que viñera visitar os Cézanne, anos máis tarde, en 1931, será o seu asistente. En 1939 comeza a rodar a que sería a súa primeira longametraxe, L'Or du Cristobal, pero ten que interromper a rodaxe por falta de fondos, mobilizado pola guerra, os produtores confían a Jean Stelli o remate da filmación. Na fronte, os alemáns collen prisioneiro a Becker, pero nunha visita da Cruz Vermella consegue a repatriación. Volve a París e roda finalmente a súa primeira longametraxe, Dernier Atout 1942.

Durante a ocupación, Becker, realiza tres filmes de factura moi diversa pero cun estilo baseado nunha cámara extremadamente móbil: Dernier Atout 1942, Goupi-Mains rouges 1943 et Falbalas 1945.

Despois da segunda guerra mundial realiza comedias —Antoine et Antoinette (1947), palme d'or au festival de Cannes, Rendez-vous de juillet (1949), prix Louis Delluc, Edouard et Caroline (1951) e Rue de l'estrapade (1953)— que o distinguen como o cineasta francés por excelencia. O seu gusto pola observación da sociedade despois da liberación, o seu talento na dirección dos actores e o equilibro entre a psicoloxía dos diálogos e a minucia da súa posta en escena caracterizan estes filmes.

Con Casque d'or (1951) ou Simone Signoret realiza unha crónica rigorosa e poética do baixofondo parisiense de 1900. Asina o prototipo do filme negro francés, Touchez pas au grisbi (1954). Despois Ali Baba et les quarante voleurs (1954), unha farsa pensada para Fernandel, e unha adaptación de Maurice Leblanc, Les Aventures d'Arsène Lupin (1957), con Robert Lamoureux e Montparnasse 19 (1958), un melodrama con Gérard Philipe; morre xusto despois de rematar Le Trou (1960).

Filmografía

• 1935 : Tête de turc, mediametraxe
• 1935 : Le commissaire est bon enfant, le gendarme est sans pitié, mediametraxe
• 1939 : L'Or du Cristobal , filme rematado por Jean Stelli
• 1942 : Dernier Atout
• 1943 : Goupi Mains Rouges
• 1943 : Falbalas
• 1947 : Antoine et Antoinette
• 1949 : Rendez-vous de juillet
• 1950 : Édouard et Caroline
• 1952 : Casque d'or
• 1953 : Touchez pas au grisbi
• 1953 : Rue de l'Estrapade
• 1954 : Ali Baba et les quarante voleurs
• 1957 : Les Aventures d'Arsène Lupin
• 1958 : Montparnasse 19
• 1960 : Le Trou

Véxase tamén

Bibliografía

• Valérie Vignaux, Jacques Becker ou l'exercice de la liberté, Liexa, Céfal, 2000.

Ligazóns externas

• Jacques Becker no Internet Movie Database