José Luis Varela Iglesias

José Luis Varela Iglesias, nado en Ourense o 10 de xuño de 1924, é un profesor e escritor galego. Membro correspondente da Real Academia Galega desde 1950.

José Luis Varela Iglesias

Biografía
Nacemento	10 de xuño de 1924 (100 anos) Ourense, España
Educación	Universidade de Santiago de Compostela Universidade de Madrid
Actividade
Ocupación	catedrático, escritor
Membro de	Real Academia Galega (membro correspondente) (1950–) Real Academia Española (membro correspondente) Real Academia de la Historia (membro correspondente)
Premios
(2001)  Medalla de Prata de Galicia

Traxectoria

Estudou o bacharelato en Ourense, onde fundou e dirixiu a revista literaria Posío. Foi discípulo de Vicente Risco. Estudou Letras na Universidade de Santiago de Compostela, que acabou en Madrid en 1946. É doutor en Filoloxía Románica pola Universidade Complutense de Madrid (1948) e pola Universidade de Colonia (1956) e doutor honoris causa pola Universidade Nacional del Sur (Arxentina, 1997).

Foi catedrático de Literatura Española en La Laguna, Valladolid e Madrid, decano de Filosofía e Letras en La Laguna, de Ciencias da Información en Madrid, secretario xeral da Universidade Internacional das Canarias (As Palmas), vicerreitor da Universidade Complutense (Madrid), Gastprofessor das Universidades de Colonia, Innsbruck e Salzburg e visiting professor (California, Virxinia e Texas). Foi lector de español na Universidade de Colonia e secretario xeral do Instituto de España en Múnic (1956-1957). É catedrático emérito da Universidade Complutense de Madrid (desde 1989) e catedrático da University of Texas en Austin (desde 1990).

Obras

• Ensayos de poesía indígena en Cuba, 1951.
• Vossler y la ciencia literaria, 1955.
• Poesía y restauración cultural de Galicia en el siglo XIX, 1958.
• La palabra y la llama, 1967.
• La transfiguración literaria, 1970.
• Larra y España, 1983.
• Tradición e innovación en Cunqueiro, 1992.
• A literatura do exilio galego en América, 1995 (editor).

Premios

Medalla de Prata de Galicia en 2001.

Véxase tamén

Bibliografía

• Aparisi, Luis M. (2016). Gallegos en la Real Academia Española (PDF) (en castelán). Asociación Cultural da Vieira. 
• Dicionario biográfico de Galicia. Ir Indo Edicións. 2010-2011. 
• Gran Enciclopedia Galega Silverio Cañada (DVD). El Progreso. 2005. ISBN 84-87804-88-8. 

Ligazóns externas

• Ficha en galegos.info