Josef Suk (compositor)

Josef Suk, nado o 4 de xaneiro de 1874 en Křečovice (República Checa) e finado o 29 de maio de 1935 en Benešov (República Checa), foi un compositor e violinista checo.

Josef Suk

Biografía
Nacemento	4 de xaneiro de 1874 Křečovice (Imperio Austrohúngaro)
Morte	29 de maio de 1935 (61 anos) Benešov (Checoslovaquia)
Lugar de sepultura	Cemitério Vyšehrad (pt)
Educación	Prague Conservatory (en)
Actividade
Ocupación	compositor, profesor de música, violinista
Empregador	Prague Conservatory (en)
Membro de	Bohemian Quartet (en)
Xénero artístico	Ópera e sinfonía
Profesores	Antonín Dvořák, Antonín Bennewitz e Karel Stecker (en)
Alumnos	Jaroslav Ježek, Klement Slavický, Pavel Bořkovec, Bohuslav Martinů, Q109483563 e Walter Susskind (pt)
Instrumento	Violín
Participou en
1932	art competitions at the 1932 Summer Olympics (en)  (medalla de prata olímpica)
Familia
Cónxuxe	Otilie Suková
Fillos	Josef Suk
Parentes	Antonín Dvořák, sogro Anna Dvořáková, sogra
Premios
(1933)  honorary doctorate of the Masaryk University (en)
Descrito pola fonte	Dicionario Musical Riemann (1901–1904) Dicionario Enciclopédico Brockhaus e Efron Obálky knih,

Traxectoria

Josef Suk naceu na pequena localidade checa de Křečovice, na rexión de Bohemia Central (República Checa). Seu pai, tamén chamado Josef Suk, era director de coro e o iniciou na música co piano, violín e o órgano. Entre 1885 e 1892 estudou no Conservatorio de Praga, sendo alumno de Antonín Dvořák e Antonín Bennewitz, compoñendo xa en 1888 a súa primeira misa, a Krecovická mase. En 1892 recibiu o seu diploma no Conservatorio presentando o seu Cuarteto con piano Op. 1 como traballo da súa tese, porén, Suk decidiu permanecer un ano máis na institución para estudar con Dvořák (quen o considerou o seu mellor alumno). En 1898 casou con Otilde Dvořáková (1878–1905), filla de Dvořák, coñecida afectivamente como Otilka. Creou o Cuarteto Checo con tres dos seus alumnos — Suk tocou o papel de segundo violín con eles boa parte da súa vida —.

En 1901 naceu do seu matrimonio con Otilde o seu único fillo, Josef(1901 – 1951). Catro anos despois morrería a súa muller e nunca máis casaría. O notable violinista Josef Suk (1929-2011) foi o seu neto.

Dende 1922 impartiu clases no Conservatorio de Praga, onde tivo como alumnos destacados a Bohuslav Martinů, Rudolf Firkušný e Manoah Leide-Tedesco. O 29 de maio de 1935 morreu na localidade de Benešov á idade de 61 anos.

Obra

A traxectoria compositiva de Suk pode dividirse en dous períodos. As súas obras temperás caracterízanse por un estilo romántico tardío que mostra influencias de Dvořák e de Johannes Brahms que creou a imaxe de Suk como o herdeiro de Dvořák, mentres que as súas obras tardías mostran unha extensión da harmonía para crear un estilo máis complexo e persoal. Ao contrario que moitos dos seus compatriotas, Suk empregou pouco o folclore checo nas súas composicións.

En comparación con Dvořák, suk escribiu pouca música de cámara, mais acadou o éxito coas súas Catro pezas para violín e piano Op. 17 (1900), e a súa Fantasía para violín e orquestra Op. 24 (1903). Nas súas suites para piano Jaro Op. 22 e Letní dojmi Op. 22b, escritas as dúas en 1902, pode apreciarse un estado de optimismo, coincidindo coa época na que naceu o seu único fillo.

Entre as súas composicións máis coñecidas destacan a súa Serenata para cordas (1892) e a Sinfonía Asrael en Do menor (1906), unha obra escrita como consecuencia da morte do seu sogro en 1904 e da súa dona 14 meses despois, e da que o crítico musical Norman Lebrecht afirmou da gravación de Václav Talich en 1952 coa Orquestra Filharmónica Checa que era unha das 100 mellores gravacións do século.. Outras obras coñecidas son a Suite conto de fadas "Raduz e Mahulena" (1898), o ciclo de obras para piano Cousas vividas e soñadas (1909), e a triloxía de poemas sinfónicos Conto de Verán (1909), Maduración (1917) e Epílogo (1929, para soprano, barítono e baixo soli, coro e orquestra).

Premios

Suk gañou a medalla de prata nos concursos de arte celebrados durante os Xogos Olímpicos de 1932 celebrados na cidade estadounidense dos Ánxeles coa súa obra Cara a unha nova vida.

Véxase tamén

Bibliografía

• Černušák, Gracián (ed.); Štědroň, Bohumír; Nováček, Zdenko (ed.) (1965). Československý hudební slovník II. M-Ž. Prague: Státní hudební vydavatelství. p. 641.  (en checo)

Ligazóns externas

• Biografía de Josef Suk en www.classicalconnect.com
• Obras para piano de Josef Suk
• Cuarteto con piano Op. 1 de Josef Suk, Trío con Piano en do Op. 2 e Cuarteto No. 1, Op. 11
• Vídeo: 1º movemento da Serenata Op. 6 nunha interpretación da Orquestra de Cámara Eslovaca no Festival Indian Summer de Levoča, 2008.