Lenin (quebraxeos de 1916)
O Lenin (ruso: Ленин) foi un quebraxeos, construído en Inglaterra para o Imperio ruso. Botado en 1916, antes de entrar en servizo para Rusia, o barco serviu na Mariña Real durante a guerra civil rusa. Foi, finalmente, adquirido pola Unión Soviética e serviu durante a segunda guerra mundial, sendo finalmente desmantelado en 1977.
| St Alexandre Nevski HMS Alexander Lenin Vladimir Ilich Lenin (desde 1957) | |
|---|---|
| |
| Historial |  
|
| Estaleiro | Armstrong Whitworth, Newcastle upon Tyne,  Reino Unido
|
| Tipo | Quebraxeos |
| Posta en grella | Xuño 1916 |
| Botado | 26 de decembro de 1916 |
| Asignado | setembro de 1917 |
| Baixa | 1968 |
| Destino | Desmantelado en 1977 |
| Características xerais | |
| Desprazamento | 3,375 tn |
Historia do buque
editarA construción do barco, por encargo da Armada Imperial rusa, comezou en xuño de 1916 no estaleiro de Armstrong Whitworth en Newcastle upon Tyne como o St Alexandre Nevski, en honra ao heroe ruso Alexandre Nevski.[1] A súa construción estivo supervisada polo arquitecto naval ruso Ievgeny Zamyatin.[2] O buque foi lanzado o 23 de decembro de 1916, e rematado en xuño de 1917. Para entón, o Imperio ruso xa deixara de existir tras a Revolución de Febreiro, e o buque foi utilizado pola Royal Navy renomeándoo como HMS Alexander, en setembro de 1917. O HMS Alexander serviu na campaña do norte de Rusia, e foi entregado ás forzas do Exército Branco cando os británicos se retiraron en outubro de 1919.[1]
Baixo bandeira soviética
editarO buque foi capturado axiña polos bolxeviques. En 1921, o mariñeiro e explorador noruegués Otto Sverdrup comandou o barco, agora chamado Lenin, a petición do goberno soviético, nunha expedición na zona ártica de Siberia. Dirixiu un convoi de cinco buques de carga nunha viaxe experimental a través do mar de Kara ata as desembocaduras dos ríos Obi e Ienisei. Os barcos chegaron ao seus destinos e o Lenin regresou con seguridade. Este foi considerado un paso importante no desenvolvemento do mar de Kara na ruta do Mar do Norte.[3]
En 1937 o Lenin quedou atrapado no xeo, xunto a un convoi de cinco buques. Finalmente foron rescatados polo quebraxeos Krasin en agosto de 1938.[4]
Durante a segunda guerra mundial o Lenin tomou parte nos convois rusos no Ártico.
O Lenin continuou en servizo durante a guerra fría, pero en 1957, cando o quebraxeos nuclear Lenin foi lanzado, foi renomeado como Vladimir Ilich Lenin. O buque foi retirado do servizo en 1968 e, finalmente, desmantelado en 1977.[1]
Na cultura popular
editarNa súa novela distópica We, Evgenii Zamiatin refírese á especificacións do St Alexandre Nevski nos nomes dalgúns dos seus personaxes.
Notas
editar- ↑ 1,0 1,1 1,2 "Requisitioned Auxiliary - Alexander". historicalrfa.org. 2012. Arquivado dende o orixinal o 29 de novembro de 2017. Consultado o 16 June 2012.
- ↑ Myers, Alan. "Zamyatin in Newcastle". Arquivado dende o orixinal o 27 September 2007. Consultado o 16 June 2012. (updates articles by Myers published in Slavonic and East European Review)
- ↑ Barr, William. "Arctic Profile : Otto Sverdrup (1854-1930)" (PDF). Arctic (Arctic Institute of North America) 37 (1): 72–73. doi:10.14430/arctic2169. Arquivado dende o orixinal (PDF) o 08 de agosto de 2017. Consultado o 16 June 2012.
- ↑ Barr, William (March 1980). "The Drift of Lenin's Convoy in the Laptev Sea, 1937-1938" (PDF). Arctic 33 (1): 3–20. doi:10.14430/arctic2543. Arquivado dende o orixinal (PDF) o 24 de maio de 2011. Consultado o 2008-07-26.
Véxase tamén
editarWikimedia Commons ten máis contidos multimedia na categoría: Lenin  |