Lingua guaymí

A lingua guaymí ou ngäbere, coñecida tamén como movere, chiriquí e valiente, é unha lingua chibcha falada polo pobo guaymí de Panamá e Costa Rica. Os membros do pobo chámanse a si mesmos ngäbe (pronunciado ˈŋɔbe) e á súa lingua como ngäbere [ŋɔˈbeɾe]. Os ngäbes son o meirande pobo indíxena de Panamá. A lingua ten o seu foco en Panamá dentro da reserva indíxena semiautónoma coñecida como Comarca Ngäbe-Buglé. A partir da década de 1950, Costa Rica comezou a recibir inmigrantes ngäbe, onde se atopan en varias reservas indíxenas: Abrojos Montezuma, Conteburica, Coto Brus, Guaymí de Alto Laguna de Osa e Altos de San Antonio.

Guaymí Ngäbere
Pronuncia:	[ŋɔˈbeɾe]
Outros nomes:	Movere
Falado en:	Panamá e Costa Rica
Total de falantes:	170.000 (2012)
Familia:	Americana  Chibcha   Waimí    Guaymí
Escrita:	Alfabeto latino
Códigos de lingua
ISO 639-1:	--
ISO 639-2:	---
ISO 639-3:	gym
Mapa
Status
O guaymí está clasificado como "vulnerable" polo Libro Vermello das Linguas Ameazadas da UNESCO

Sistema de escrita

Como lingua tradicionalmente oral, o sistema de escritura do ngäbere foi creado recentemente. Desenvolveuse un alfabeto utilizando a escritura latina, baseado no alfabeto español. Xa que o castelán é a lingua máis empregada na rexión centroamericana, o alfabeto baseouse no alfabeto castelán nun intento de crear un sentido máis estreito de correlación entre as dúas linguas.

Véxase tamén

Outros artigos

• Lingua buglere