Mac OS X Panther

Mac OS X Panther (versión 10.3) é a cuarta versión de macOS, o sistema operativo e servidor de Apple Inc. Seguiu a Mac OS X Jaguar e precedeu a Mac OS X Tiger. Foi lanzado o 24 de outubro de 2003, cun prezo de venda de 129 USD para un só usuario e de 199 USD para unha licenza familiar de cinco usuarios.

Mac OS X Panther
Desenvolvedor(es)	Apple Inc.
Sitio web	www.apple.com/support/panther/

Características

Ademais de ter un rendemento moito maior, incorporou a maior actualización no interface de usuario, e tantas ou máis melloras que Jaguar o ano anterior. Por outra banda, nesta versión deixaron de soportarse algúns modelos antigos G3.

As novas melloras de Panther inclúen:

• Finder actualizado, que incorpora unha interface metálica e procura rápida.
• Exposé: unha nova forma de manipular fiestras.
• Cambio Rápido de Usuarios: que permite ter sesións con diferentes usuarios abertas ao mesmo tempo e pasar dunha a outra rapidamente.
• iChat AV que engade soporte para videoconferencia a iChat.
• Renderización mellorada de PDF.
• Soporte integrado de fax.
• Interoperatibilidade con Microsoft Windows moito maior.
• FileVault: Sistema de cifrado en tempo real do directorio privado de cada usuario.
• Incremento de velocidade en todo o sistema cun maior soporte para os G5.