Mata Amritanandamayi

Mātā Amritanandamayī Devi (Devanagiri: माता अमृतानन्‍दमयी, Malayalam: മാതാ അമൃതാനന്ദമയി), nada o 27 de setembro de 1953, é unha líder espiritual hindú considerada como unha santa polos seus seguidores, máis coñecida como Amma (que significa nai), Ammachi ou Mai.

Mātā Amritanandamayī Devī

Amma, a santa dos abrazos
Biografía
Nacemento	27 de setembro de 1953 India, Parayakadavu, Alappad Panchayat, Kollam District, Kerala
Chancellor (en)
2003 –
Datos persoais
País de nacionalidade	india
Relixión	Hinduísmo
Actividade
Ocupación	guru (pt) , líder relixioso, líder
Premios
Premio James Parks Morton Interfaith
Descrito pola fonte	Obálky knih,
Sitio web	embracingtheworld.org

Traxectoria

Amma naceu o 27 de setembro de 1953 nunha pequena vila de Kerala (ao Sur da India). Recibiu o nome de Sudhamani e, xa durante a súa infancia, segundo os seus pais víana moitas veces nun estado de profunda meditación. Era unha gran devota de Krishna e aos cinco anos xa compuña pequenos cantos devocionais.

Cando Sudhamani tiña nove anos, súa nai enfermou e ela tivo que ser a encargada da cociña e da casa. Tivo que deixar a escola, a pesar de que era unha boa estudante. Ela ofrecíalle ao Señor cada minuto da súa xornada de traballo, mais os membros da familia non entendían tanta mística e a nena aguantaba malos tratos. Ao acabar o traballo, contra a noite, Sudhamani poñíase a meditar, cantar ou rezar, e así pasaba a noite.

Ela observaba moita dor e sufrimento ao seu redor, e a resposta que recibía era que tiñan que pagar o seu karma, mais esta resposta non a contentaba. A crueldade e o egoísmo do mundo só facían acrecentar o amor que Sudhamani lle tiña a Deus. A súa procura da Divindade tiña agora o obxectivo de consolar o sufrimento e a dor de todos os seres. Así, comezou a doar alimentos da súa propia casa aos veciños e pobres que vía, a pesar dos castigos que recibía por facelo.

Aos vinte e dous anos, Amma (nome que emprega desde entón) difunde a súa mensaxe espiritual, de maneira que innúmeras persoas foron ao seu lado para recibir a súa bendición. Ela aceptou un grupo de discípulos que comezou a formar segundo a tradición dos monxes da India. A partir de 1987, tamén comeza unha xira anual por todo o mundo, ademais dos seus xa habituais desprazamentos pola India. Desde o principio, a humildade e a compaixón, expresadas en silencio e con amor, impresionaron e conmoveron os occidentais que se acercaban a ela.

Ensinanzas

Mata Amritanandamayi (2009), ou Amma, a santa dos abrazos

A súa figura converteuse nun foco de peregrinación ao que acoden os seus seguidores para recibiren as súas bendicións, e a casa onde naceu ficou transformada nun ashram, pois Amma aceptou un grupo de discípulos que viven segundo as regras do sanyasa, propias da vida tradicional dos monxes da India. Realizou tamén numerosas viaxes pola India e desde 1987 xiras mundiais nas que transmite a súa mensaxe.

En 1995 foi invitada para falar nas celebracións ecuménicas que tiveron lugar en Nova York ao se conmemorar o cincuenta aniversario das Nacións Unidas. En agosto de 2000 foi invitada polo Secretario da ONU para participar e intervir no Cume do Milenio pola Paz Mundial. En outubro de 2002 a ONU concedeulle o Premio á Non-Violencia Gandhi King e en xullo de 2004 clausurou cun discurso o Parlamento Mundial das Relixións, celebrado no Forum de Barcelona.

As súas ensinanzas son unha chamada para que as persoas volvan a súa mirada cara ás nobres cualidades na vida cotiá. Ela afirma que o ser humano non pode progresar espiritualmente se non desenvolve un espírito altruísta.

Desta maneira, creou numerosas obras caritativas co obxectivo constante do desenvolvemento da persoa en todas as súas dimensións: escolas, hospitais, campamentos médicos, vivendas, pensións para mulleres sen recursos, orfanatos e centros de ensino superior (informática, medicina, enfermaría, enxeñaría etc).

Amma obtivo aínda máis proxección en 2004, ao ser a maior doadora particular na traxedia da tsunami que aflixiu boa parte do sur da Asia, pois doou 23 millóns de dólares. Doou tamén un millón para o Fondo das Vítimas do Furacán Katrina.

Eventos internacionais

• 1993, Chicago: discurso no "Parlamento das relixións do mundo" no seu 100 aniversario.
• 1995, Nova York: participa en Interfaith Celebrations no 50 aniversario da O.N.U.
• 2000, Nova York: dirección principal no Cume da paz do milenio, Asemblea Xeral da O.N.U.
• 2002, Xenebra: dirección principal na Iniciativa global da paz das Mulleres Relixiosas Líderes espirituais da O.N.U.
• 2002, Xenebra: "Premio Gandhi-King á non violencia".
• 2004, Barcelona, discurso no Parlamento das relixións do mundo "Que a paz e a felicidade prevalezan"(vídeo).
• 2006, Nova York, premio James Parks Morton Interfaith "Comprension e Colaboracion entre Relixions"
• 2009 Embracing Kenya

Véxase tamén

Ligazóns externas

• Amritapuri.org (official mission site - India)
• Amma.org (official mission site - USA)
• Ammachi.es Arquivado 27 de outubro de 2006 en Wayback Machine. (Páxina de Amma en Español)
• http://www.ammabrasil.org (site oficial - Brasil)
• https://www.facebook.com/MataAmritanandamayi ( Facebook internacional)
• https://www.facebook.com/amma.brasil ( Facebook Brasil)
• Mata Amritanandamayi Devi (Apologetics Index)
• Embraced by India's hugging saint
• Xornal BBC, en inglés, onde se fala do tsunami asiático de 2004 e da doazón de 23 millóns de dólares