Menelik II

Menelik II
	;
Nome orixinal	(am) ዳግማዊ ምኒልክ
Biografía
Nacemento	17 de agosto de 1844 ; Ankober, Etiopía (en)
Morte	12 de decembro de 1913 (69 anos); Adís Abeba, Etiopía
Causa da morte	ictus
Lugar de sepultura	Adís Abeba ; Imperio de Etiopía
Emperador de Etiopía
	10 de marzo de 1889 – 12 de decembro de 1913 ; ← João IV da Etiópia (pt) – Lij Iyasu (pt) →
Datos persoais
Relixión	Igrexa ortodoxa etíope
Actividade
Lugar de traballo	Etiopía
Ocupación	político
Partido político	sen valor
Familia
Familia	Dinastía salomónica
Cónxuxe	Taitu Bitul (1883–valor descoñecido); Emyat Bafana
Fillos	Shoa Reggad Menelik; () ; Zewditu; () Abetchew Bayan
Pai	Haile Melekot
Premios
	(1 de xuño de 1907) Cabaleiro Gran Cruz da Orde do Santo Sepulcro; Order of Saint Anthony (en) ; Ordem de São Miguel e São Jorge (pt) ; Cabaleiro gran cruz da Orde do Baño; Order of the Star of Ethiopia (en) ; Orde de Santo Alexandre Nevsky; Order of Solomon (en) ; Orde de Santo Estevo de Hungría ;
Descrito pola fonte	Dictionary of African Biography, ; Dicionario Enciclopédico Brockhaus e Efron; Pequeno Dicionario Enciclopédico de Brockhaus e Efron

Menelik II (en ge'ez: ዳግማዊ ምኒልክ, dagmäwi minilik) foi emperador de Etiopía (chamada naquel entón Abisinia). Nado en Ankober, na actual Etiopía no ano 1844 e morto en Addis Abeba, cidade fundada por el mesmo, en 1913. Foi negus de Soa e emperador de Etiopía desde o ano 1889 ó 1909.

Este artigo amosa letras ge'ez. Sen o soporte axeitado, o texto pode mostrar símbolos sen sentido, coma caixas, marcas e outros.

Era herdeiro ó trono de Soa trala morte do seu pai, o príncipe Hailu Malkot en 1855, pero foi levado á corte do emperador Teodoro II de Abisinia, o mesmo quen vencera ó seu pai, quen lle da unha das súas fillas por esposa. Conquista Soa e proclámase rei deste país, ó cal aumenta en territorios anexionando outros, como os do pobo galla.

Posteriormente defendeu a autonomía de Soa xunto ó emperador Xoán IV de Abisinia, a quen sucedeu en 1889 tras moitos intentos grazas á axuda de Italia. Ese mesmo ano anexionou os reinos setentrionais de Tigray e Amhara e asinou con Italia o polémico tratado de Uccialli, en virtude do cal parecía aceptar o protectorado italiano, o cal Menelik II non sabía.

En canto soubo que os termos en italiano do acordo convertían a Abisinia no seu protectorado, rexeitou o acordo, o cal non sentou demasiado ben ós italianos, que algún tempo máis tarde, en 1894, invadiron Abisinia provocando a guerra entre ambas as nacións. Os italianos pensaban obter a vitoria facilmente como en calquera outro país africano, mais foron vencidos na batalla de Adua en 1896 e nese mesmo ano Etiopía proclamouse vencedora. Firmou entón un novo tratado con Italia, no cal Etiopía gañaba o seu recoñecemento como país independente e Italia a colonia de Eritrea. Abisinia consolidou a súa independencia en 1906, ano no que obtivo o recoñecemento internacional.

En 1886 fundou Addis Abeba, e aplicou unha política de modernización militar, económica e cultural que permitiu asentar as bases dun Estado moderno. Neste proceso cabe destacar o seu intento de abolir o comercio de escravos, o recorte de poderes e privilexios da nobreza feudal do país e a apertura do comercio con Djibuti, colonia francesa, grazas a permitir a estes últimos a construción dun ferrocarril.

A partir de 1903, cando sufriu un ataque de apoplexía, a súa saúde comezou a deteriorarse e, dous anos máis tarde, nomeou sucesor ó seu fillo Liy Yassu, deixando de ser emperador en 1909. Morreu no ano 1913 na súa capital, Addis Abeba.