Olga Tokarczuk

Olga Nawoja Tokarczuk, nada en Sulechów o 29 de xaneiro de 1962, é unha escritora e psicóloga polaca. Recibiu o Premio Nobel de Literatura de 2018.

Olga Tokarczuk

Nome orixinal	(pl) Olga Nawoja Tokarczuk
Biografía
Nacemento	29 de xaneiro de 1962 (62 anos) Sulechów, Polonia (pt)
Residencia	Krajanów (pt) (1998–) Wrocław
Educación	Faculty of Psychology, University of Warsaw (en) - psicoloxía clínica (1980–1985)
Cor dos ollos	Gray (en)
Cor do pelo	Cabelo castaño
Actividade
Ocupación	editora (1998–2003), libretista, novelista, fundador (pt) , poetisa, escritora, psicóloga, guionista
Período de actividade	1979 - sen valor
Empregador	Universidade Iaguelónica de Cracovia
Partido político	The Greens (en) (2004–)
Membro de	Stowarzyszenie Pisarzy Polskich (en) (1994–) Stefan Batory Foundation (en)
Xénero artístico	Poesía, ensaio e novela histórica
Influencias	Carl Gustav Jung e William Blake
Pseudónimo literario	Natasza Borodin
Participou en
	Parada Równości (en)
Obra
Obras destacables (1996) Primeval and Other Times (en) (1998) The Wardrobe (en) (1998) House of Day, House of Night (en) (2001) Q30915423 (2001) Playing on Many Drums (en) (2006) Anna in the Tombs of the World (en) (2007) Flights (en) (2009) Drive Your Plow Over the Bones of the Dead (en) (2014) Escrituras de Jacó (pt) (2016) Q100295743 (2018) The Lost Soul (en)
Familia
Cónxuxe	Roman Fingas (1985–) Grzegorz Zygadło
Fillos	Zbigniew Fingas  () Roman Fingas
Irmáns	Tatiana Tokarczuk
Cronoloxía
2018	Premio Nobel de Literatura
13 de decembro de 1981-22 de xullo de 1983	Lei marcial na Polónia (pt)
	parada LGBT (pt)
Premios
(2010)  Silver Medal for Merit to Culture – Gloria Artis‎ (en) ../... 26+
Sinatura
Descrito pola fonte	Obálky knih, Der Spiegel (en) culture.pl (en)
Sitio web	tokarczuk.wydawnictwoliterackie.pl

Traxectoria

Graduada en Psicoloxía pola Universidade de Varsovia, traballou como psicoterapeuta na clínica de saúde mental de Walbrzych. Considera que Carl Jung é unha das súas maiores influencias. Durante a súa mocidade, nunha estadía en Londres, tamén traballou como limpadora nun hotel.

Comezou a súa traxectoria literaria en 1979 publicando relatos baixo o pseudónimo Natasza Borodin na revista Przelaj. En 1989, saeu do prelo un libro de poesía, Miasto w lustrach, e, en 1993, a súa primeira novela, Podróż ludzi Księgi. Esta gañou o premio da Asocación Polaca de Escritores, malia ás dificultades que tivera a obra para a súa publicación, pois fora rexeitada por varias editoriais. Na segunda novela, E.E, aborda a historia dunha nena médium, Erna Eltzner, a principios do século XX en Wroclaw.

En 1996, gañou moita sona no público polaco con Prawiek i inne czasy, unha fábula ambientada nunha pequena aldea con tres xeracións de labregos como protagonistas.

Olga Tokarczuk vive en Krajanów, preto de Nowa Ruda, e a paisaxe e a cultura desta rexión aparecen reflectidas en varias das súas obras. Dom dzienny, dom nocny, publicada en 1998, é a primeira das súas novelas nas que se evidencia isto.

A principios do século XXI consagrouse como unha das autoras máis relevantes das letras contemporáneas de Polonia grazas á novela Bieguni (traducida ao inglés como Flights e ao castelán como Los Errantes). Trátase dunha novela fragmentaria na que mestura diferentes xéneros, como os relatos e as notas autobiografía cos cadernos de viaxe. Grazas a esta obra gañou o premio Nike de 2008, un dos máis importantes da literatura polaca, e dez anos máis tarde, en 2018, o Booker Internacional. Tokarczuk levaría de novo o Nike en 2015 con Księgi Jakubowe, obra centrada arredor da figura de Jakob Frank, líder dunha seita xudaica no século XVII.

En 2009 publicou Prowadź swój pług przez kości umarłych, unha novela de suspense na que unha serie de asasinatos no rural da Silesia impactan na vida dunha astróloga defensora dos animais e tradutora afeccionada de William Blake. Esta trama sería levada ao cinema por Agnieszka Holland co título Pokot en 2017, merecente do Oso de prata do Festival de Cinema de Berlín en 2018.

Declárase feminista e é vexetariana. Manifestou numerosas veces puntos de vista que resultaron controvertidos en Polonia cuestionando os valores tradicionais da sociedade e facendo críticas aos gobernos de Lei e Xustiza.

A Academia Sueca outorgoulle o Premio Nobel de Literatura do ano 2018 valorando a súa "imaxinación narrativa que, con paixón enciclopédica, representa o cruce de fronteiras como unha forma de vida". Recibiu o galardón das mans do rei Carlos XVI Gustavo de Suecia o 10 de decembro de 2019.

Obra

• Miasto w lustrach (A cidade nos espellos, 1989; poesía)
• Podróż ludzi Księgi (A viaxe dos homes do libro; 1993)
• E. E. (1995)
• Prawiek i inne czasy (Un lugar chamado antano, 1996)
• Szafa ("O roupeiro", 1997)
• Dom dzienny, dom nocny (Casa diúrna, casa nocturna, 1998)
• Opowieści wigilijne (Relatos de Nadal, 2000; xunto con Jerzy Pilch e Andrzej Stasiuk)
• Lalka i perła (A boneca e a perla, 2000)
• Gra na wielu bębenkach (Concerto de varios tambores, 2001)
• Ostatnie historie (Historias últimas, 2004)
• Anna In w grobowcach świata (Anna In nos sepulcros do mundo, 2006)
• Bieguni (Os corredores, 2007)
• Prowadź swój pług przez kości umarłych (Ara a través dos ósos dos defuntos, 2009)
• Moment niedźwiedzia (O momento do oso, 2012)
• Księgi Jakubowe (Os libros de Xacob, 2014)
• Zgubiona dusza (Alma perdida, 2017)
• Opowiadania bizarne (Relatos estraños, 2018)

Véxase tamén

Ligazóns externas

• Páxina web oficial Arquivado 27 de febreiro de 2009 en Wayback Machine.