Orto helíaco

O orto helíaco dunha estrela é a súa primeira aparición polo horizonte leste despois do seu período de invisibilidade –aproximadamente seis meses–. É un caso particular de orto.

Descrición

Dependendo da magnitude visual da estrela, o orto helíaco producirase nos solpores, co Sol a 12º ou 6º, por debaixo do horizonte, antes do amencer. O día do seu orto helíaco, a estrela fai a súa primeira aparición durante breve tempo, xa que axiña o amancer do Sol agocharaa. A partir de entón, a distancia angular estrela-Sol increméntase e será visible durante períodos máis longos de tempo, ata que finalmente brille en plena noite.

Lista de orto helíaco por estrela

Orto helíaco dende o ecuador, os trópicos e os círculos polares en 2014.

Estrela	Ecuador	Trópico de Cáncer	Trópico de Capricornio	Círculo polar ártico	Círculo polar antártico
Sirius (α Canis Majoris)	9 de xullo	25 de xullo	22 de xuño	7 de setembro	6 de maio
Canopus (α Carinae)	4 de xullo	15 de agosto	23 de maio	non visible	circumpolar
Artur (α Bootis)	9 de novembro	24 de outubro	28 de novembro	24 de setembro	12 de febreiro
Alpha Centauri (α Centauri)	13 de novembro	22 de decembro	19 de setembro	non visible	circumpolar
Vega (α Lyrae)	6 de xaneiro	9 de decembro	1 de febreiro	circumpolar	non visible
Rigel (β Orionis)	18 de xuño	2 de xullo	5 de xuño	20 de agosto	3 de maio
Proción (α Canis Minoris)	24 de xullo	31 de xullo	17 de xullo	23 de agosto	16 de xuño
Achernar (α Eridani)	24 de abril	18 de xuño	12 de marzo	non visible	circumpolar
Betelgeuse (α Orionis)	28 de xuño	6 de xullo	22 de xuño	9 de agosto	1 de xuño
Hadar ou Agena (β Centauri)	4 de novembro	13 de decembro	9 de setembro	non visible	circumpolar