Oso pardo do Ussuri
| Oso pardo do Ussuri Ursus arctos lasiotus | |||||||||||||||||
|---|---|---|---|---|---|---|---|---|---|---|---|---|---|---|---|---|---|
 Exemplar no zoo de Beijing | |||||||||||||||||
| Estado de conservación | |||||||||||||||||
 Vulnerable | |||||||||||||||||
| Clasificación científica | |||||||||||||||||
| |||||||||||||||||
O oso pardo do Ussuri (Ursus arctos lasiotus) é unha subespecie de mamífero carnívoro da familia dos úrsidos, unha das varias integradas na especie Ursus arctos.[1]
É un dos osos pardos máis grandes, un oso pardo do Ussuri moi grande pode achegarse ao tamaño do oso Kodiak (Ursus arctos middendorffi).[2]
Taxonomía
editarDescrición
editarA subespecie foi descrita en 1867 polo naturalista e zoólogo inglés John Edward Gray,[1] no seu traballo:
- Gray, J. E. (1867): "Note on Ursus lasiotus, a hairy-eared bear from North China". Annals and Magazine of Natural History. Ser. 3. 20 (118): 301.
Sinónimos
editarAdemais de polo nome actualmente válido, a subespecie foi coñecida polos sinónimos:[1]
- U. a. baikalensis Ognev, 1924
- U. a. cavifrons (Heude, 1901)
- U. a. ferox Temminck, 1844
- U. a. macneilli Lydekker, 1909
- U. a. melanarctos Heude, 1898
- U. a. yesoensis Lydekker, 1897
Características
editarÉ moi semellante ao oso pardo de Kamchatka (Ursus arctos beringianus), aínda que ten un cranio máis alongado, unha fronte menos elevada, os ósos nasais algo máis longos e os arcos cigomáticos menos separados, e é de cor algo máis escura, sendo algúns individuos completamente negros, feito que unha vez levou á especulación, agora refutada, de que os individuos negros eran híbridos de osos pardos e osos negros asiáticos.[Cómpre referencia] Os machos adultos teñen cranios que miden 38,7 cm de longo e 23,5 cm de largo. Ocasionalmente poden alcanzar tamaños maiores que os seus homólogos de Kamchatka: o cranio máis grande medido por Sergej Ognew (1931) era só lixeiramente máis pequeno que o do oso Kodiak (a subespecie máis grande de osos pardos) rexistrado naquel momento.[2]
Distribución xeográfica
editarEncóntran en Asia: no krai de Ussuri (nome non oficial para unha parte do krai de Primorie e do krai de Khabarovsk), na illa de Sakhalin, no óblast de Amur, nas illas Shantar, nas illas Iturup e Kunashir (ambas as dúas nas illas Kuriles), no nordeste da China, na península de Corea e en Hokkaido (Xapón).[3][2]
Até o século XIII estes osos habitaban as illas de Rebun e Rishiri, tras cruzar o estreito de La Pérouse para alcanzalas.[4]. Tamén estiveron presentes en Honshu durante o último período glacial, pero posiblemente foron levados á extinción quizais competindo co outros osos asiáticos.[5]
Alimentación
editarAínda que a dieta dun oso pardo do Ussuri é principalmente vexetariana, é un gran depredador, sendo capaz de matar calquera presa. En Hokkaido come mamíferos grandes e pequenos, peixes, aves e insectos (por exemplo, formigas).[Cómpre referencia]
Notas
editar- ↑ 1,0 1,1 1,2 Ursus arctos lasiotus Gray, 1867 no MSW.
- ↑ 2,0 2,1 2,2 Heptner, V. G. & N. P. Naumov, editors (1998): Mammals of the Soviet Union. Vol. II Part 1, Sirenia and Carnivora (Sea Cows, Wolves and Bears). Enfield, Connecticut, USA: Science Publishers, Inc. ISBN 1-8861-0681-9.
- ↑ ZipCodeZoo (en inglés).
- ↑ 『野生動物調査痕跡学図鑑』 p. 356.
- ↑ 坪田敏男, 山崎晃司, 2011, 日本のクマ: ヒグマとツキノワグマの生物学, University of Tokyo Press.
Véxase tamén
editar| Wikimedia Commons ten máis contidos multimedia na categoría: Oso pardo do Ussuri |
Bibliografía
editar- Wilson, Don E. & Reeder, D. M., eds. (2005): Mammal Species of the World - A Taxonomic and Geographic Reference. Third edition. Baltimore, Maryland, USA: The Johns Hopkins University Press, 2 vols. ISBN 978-0-8018-8221-4.
Ligazóns externas
editar- ITIS.
- Encyclopedia of Life.
- BioLib.
- Denning ecology of brown bears and Asiatic black bears in the Russian Far East.
- Bears of the World Arquivado 07 de febreiro de 2009 en Wayback Machine..