Pierre Daubenton
Pierre Daubenton, nado o 10 de abril de 1703 en Montbard (ducado de Borgoña) e finado na mesma localidade o 14 de setembro de 1776 foi un avogado, político e escritor francés, colaborador da Encyclopédie.[1]
| Biografía | |
|---|---|
| Nacemento | 10 de abril de 1703 Montbard, ducado de Borgoña |
| Morte | 12 de decembro de 1785 Montbard |
 Membro asociado Belles-Lettres et Arts Académie des Sciences (pt)  | |
| 1760 – | |
| Académico Académie des Sciences, Arts et Belles-Lettres de Dijon (en) | |
 | |
| Datos persoais | |
| País de nacionalidade | francesa |
| Actividade | |
| Ocupación | xurista, avogado, político, escritor, enciclopedista |
| Familia | |
| Irmáns | Louis Jean Marie Daubenton |
Traxectoria
editarEra fillo de Jean Daubenton e Marie Pichenot, e irmán do naturalista Louis-Jean-Marie Daubenton.[2]
No seu pobo natal, Montbard, foi primeiro avogado no xulgado local e, máis tarde, alcalde, comandante da gornición, tenente da policía e oficial do exército local.
Tamén foi subdelegado da administración en Dijon, capitán dos arcabuceiros, alguacil das abadías de Moutiers-Saint-Jean e Fontenay, membro das Academias de Lión e Dijon, das Sociedades Literarias de Auxerre e Ruán e, finalmente, membro honorario da Sociedade Económica de Berna.[2]
Moi interesado en temas de historia natural, Pierre Daubenton achegou á Encyclopédie de Diderot moitos artigos sobre temas relacionados coa botánica e coa xardinaría e tamén sobre temas agrícolas.
Tamén se lle debe unha "Relación á festa dada en Montbard por Buffon sobre o nacemento do fillo de Luís Henrique, duque de Borbón, príncipe de Condé".[2]
O 22 de outubro de 1737 casou con Bernarde Amyot, coa que tivo un fillo, Georges Louis Daubenton (1739–1785).[2]
Notas
editar- ↑ Frank A. Kafker (1989): Recherches sur Diderot et sur l'Encyclopédie, pp. 125-150.
- ↑ 2,0 2,1 2,2 2,3 Xenealoxía de Pierre Daubenton (en francés).
Véxase tamén
editarBibliografía
editar- Louise Lyle & David McCallam, edit. (2008): Histoires de La Terre: Earth Sciences and French Culture 1740–1940. Amsterdam: Rodopi. ISBN 9-0420-2477-1, p. 59.
- Mémoires de la Société Éduenne, 1879, tome 8. Autun: Dejussieu père et fils, p. 85.
Ligazóns externas
editar- Lista dos artigos de Pierre Daubenton para a Enclyclopédie en Wikisource.