Pobo irlandés

Para outras páxinas con títulos homónimos véxase: Irlandés.

O pobo irlandés (en irlandés: Muintir na hÉireann, na hÉireannaigh ou na Gaeil) é un grupo nacional, cultural e etnolongüístico nativo da illa de Irlanda.

Pobo irlandés
Oscar Wilde Éamon de Valera James Joyce William Butler Yeats Bríxida de Irlanda Maureen O'Hara Daniel Day-Lewis Andrea Corr Mary Lou McDonald Bono Seamus Heaney Saoirse Ronan Robbie Keane Mary McAleese Brendan Gleeson
Poboación
Poboación total: c  70–80 millóns
Rexións principais:
Irlanda	4 581 269 (2011)
Irlanda do Norte	1 810 863 (2011)
Total na illa de Irlanda	6 392 132 (2011)
Estados Unidos	(+) 40 000 000
Reino Unido	14 000 000
Australia	7 000 000
Canadá	4 544 870
Arxentina	1 000 000
México	600 000
Nova Zelandia	600 000
Aspectos culturais
Lingua	Irlandés, inglés, escocés do Ulster e shelta
Relixión	Catolicismo e protestantismo

Irlanda está habitada dende hai máis de 9 000 anos segundo os estudos arqueolóxicos. Durante a maior parte da historia documentada de Irlanda, os irlandeses foron principalmente un pobo gaélico. Os anglo-normandos conquistaron partes de Irlanda no século XII. A partir dos séculos XVI e XVII, o Reino de Inglaterra reconquistou e colonizou Irlanda, traendo consigo un gran número de escoceses das Terras Baixas e ingleses, que ocuparon principalmente o norte da illa.

Hoxe en día Irlanda está dividida en dúas partes: unha é a República de Irlanda (un estado independente) e a outra é Irlanda do Norte (que forma parte do Reino Unido). A súa poboación combinada era de 6 392 132 segundo o censo de 2011. Porén, estímase que hai entre 70 e 80 millóns de persoas en diferentes países que teñen ascendencia irlandesa, feito que converte a diáspora irlandesa nunha das meirandes do mundo. Historicamente, a emigración en Irlanda foi resultado de graves problemas económicos e fames, especialmente entre os séculos XVIII e XIX.

As persoas de ascendencia irlandesa poden atoparse principalmente en países de fala inglesa, especialmente no Reino Unido, nos Estados Unidos de América, no Canadá e Australia. Tamén son significativas as poboacións na Arxentina e México. Nos Estados Unidos está a poboación máis numerosa, mentres que Australia ten a meirande porcentaxe de descendentes de irlandeses de todo o mundo en relación co total da súa poboación. Así mesmo, moitos islandeses teñen antepasados irlandeses e escoceses.

Véxase tamén

Bibliografía

• Aldous, Richard (2007). Great Irish Speeches. Londres: Quercus Publishing PLC. ISBN 978-1-84724-195-5. 
• Davies, Norman (1996). Europe: A History. Oxford: Oxford University Press. ISBN 978-0-19-820171-7. 
• Ellis, Steven G. (1985). Tudor Ireland: Crown, Community, and the Conflict of Cultures, 1470–1603. Great Britain: Longman. ISBN 978-0-582-49341-4. 
• Irish Names - origins and meanings at Library Ireland
• MacManus, Seamus (1921). The Story of the Irish Race: A Popular History of Ireland. Ireland: The Irish Publishing Co. ISBN 978-0-517-06408-5. Consultado o 17 de marzo de 2013. 
• McLaughlin, Mark G. (1980). The Wild Geese: The Irish Brigades of France and Spain. Christopher Warner, illustrator. Osprey Publishing. ISBN 978-0-85045-358-4. ^{[Ligazón morta]}
• Nicholls, Kenneth W. (1972). Gaelic and Gaelicised Ireland in the Middle Ages. Gill and Macmillan. ISBN 978-0-7171-0561-8. 
• Oppenheimer, Stephen (2006). The Origins of the British: A Genetic Detective Story. Carroll & Graf. ISBN 978-0-7867-1890-0. 
• Sykes, Bryan (2006). Blood of the Isles: Exploring the Genetic Roots of Our Tribal History. DNA, Fossil. ISBN 978-0-593-05652-3. 
• Toman, Rolf (2007). The Art of Gothic: Architecture, Sculpture, Painting. photography by Achim Bednorz. Tandem Verlag GmbH. ISBN 978-3-8331-4676-3. 
• Various (2001). Smiley, Jane, ed. The Sagas of Icelanders. Penguin. ISBN 978-0-14-100003-9. Arquivado dende o orixinal o 16 de setembro de 2009. Consultado o 24 de novembro de 2022. 

Ligazóns externas

• Irish ancestors en Ireland.com (en inglés)