Río Cetina

O río Cetina é un curso fluvial do centro da Dalmacia (Croacia), que despois de percorrer uns 105 km desemboca no mar Adriático.

Río Cetina

Tipo	río
Inicio
Continente	Europa
País da cunca	Croacia
División administrativa	Croacia
Final
Localización	mar Adriático
43°58′36″N 16°25′47″L B 43°26′21″N 16°41′11″L
Conca hidrográfica	conca do Adriático
Características
Altitude	3 m
Dimensións	105 () km
Superficie da cunca hidrográfica	3.700 km²
Medicións
Caudal	105 m³/s

Percorrido

O Cetina nace na ladeira noroeste do monte Dinara a 385 m de altura. O manancial está preto da aldea homónima de Cetina, sita a 7 km ao norte da cidade de Vrlika. A uns 25 km forma o lago artificial de Peruča. O río pasa despois á rexión cárstica de Sinj. Toma logo dirección leste antes de retomar a dirección oeste cerca do macizo montañoso de Mosor. Acaba o seu curso no mar Adriático, non lonxe da localidade de Omiš, onde antes de desaugar forma un formidable canón.

A súa conca hidrográfica ocupa unha superficie duns 3.700 km². A pluviosidade media anual na conca é de 1.380 mm, o que permite un caudal medio do río de 105 m³/s.

Xeoloxía

As montañas que percorre forman parte dos Alpes dináricos; están constituídas de material sedimentario, principalmente calcarias, que datan do período cretáceo, pero hai tamén materiais do triásico e xurásico.

Explotación económica

A súa corrente é utilizada en varios lugares par producir enerxía hidroeléctrica. As súas augas son embotelladas como de Cetina.

Historia e arqueoloxía

Desembocadura do Cetina en Omiš.

Durante a Idade Media, o río serviu de fronteira entre o reino de Croacia e o reino de Serbia. O seu val foi unha ruta comercial importante que ligaba Bosnia e Hercegovina co litoral adriático.

Hai restos que indican que a agricultura na rexión remonta ao neolítico na parte alta do val do Cetina. Durante a Idade de Bronce, a zona posuía unha cultura particular. O río recibiu ofrendas durante a prehistoria, sobre todo preto da súa confluencia co río Ruda, preto da localidade de Trilj.

A zona estivo ligada aos dálmatas, e acolleu unha fortificación romana en Tilurium, preto da actual Trilj, que gardaba a entrada do val que conducía á capital provincial: Salona. Durante a Alta Idade Media, o río oficiaba de fronteiro entre os poderes romano-bizantinos e os eslavos. Xa, máis tarde, a inicios do século XVI, a zona foi conquistada polo Imperio Otomán.

Véxase tamén

Ligazóns externas

• O Río Cetina, información na web turística de Omis (en inglés).