Río Somme

O río Somme é un río do norte de Francia que dá o seu nome ao departamento homónimo. Cunha lonxitude de 245 km, desemboca no canal da Mancha.

Río Somme

Tipo	río principal coastal river (en)
Inicio
País da cunca	Francia
Altitude inicial	86 m
División administrativa	Altos de Francia
Localización	Fonsomme
Final
Altitude final	0 m
División administrativa	canton of Saint-Valery-sur-Somme, Francia (en)
Localización	Saint-Valery-sur-Somme
Desembocadura	Baie de Somme (en)
49°54′23″N 3°24′11″L B 50°11′10″N 1°38′35″L
Afluentes	Avre (pt) , Ancre (en) , Selle (en) , Hallue (pt) , Omignon (en) , Airaines (en) , Allemagne (en) , Amboise (en) , Beine (en) , Cologne (en) , Dien (en) , Germaine (en) , Nièvre (en) , Saint-Landon (en) , Scardon (en) , Sommette (en) , Tortille (en) , Trie (en)
Conca hidrográfica	Somme basin (en)
Características
Dimensións	245 () km
Superficie da cunca hidrográfica	6.550 km²
Medicións
Caudal	35,1 m³/s (Abbeville)

Hidrónimo e topónimos

O seu nome procede da palabra celta "Somme", que significa tranquilidade. O río deu nome ao departamento do Somme, e a doce comunas: Fonsomme, Sommette-Eaucourt, Béthencourt-sur-Somme, Cléry-sur-Somme, Bray-sur-Somme, Vaux-sur-Somme, Ailly-sur-Somme, Belloy-sur-Somme, Hangest-sur-Somme, Fontaine-sur-Somme, Eaucourt-sur-Somme e Saint-Valery-sur-Somme.

Eventos históricos

• En materia de prehistoria, Jacques Boucher de Perthes, un mozo afeccionado á procura na canle do río Somme, atopou restos de animais distintos aos coñecidos en Europa a finais do século XIX, este achado alimentou as teorías eclesiásticas sobre o diluvio universal, aínda que máis tarde Boucher de Perthes atopou restos do que parecían machadas de pedra, o cal deu lugar ao derrubamento destas teorías. Aínda que Buffon, deu o primeiro paso para a destrución da anterior crenza bíblica e máis adiante Darwin achegou as súas teorías sobre a evolución, Boucher de Perthes, é considerado todo un visionario.
• De acordo á tradición católica, San Quintín foi martirizado no século III, os seus restos foron guindados ao río Somme e recuperados anos máis tarde no lugar onde se construíu unha basílica na súa honra, a basílica de Saint-Quentin.
• O exército de Eduardo III cruzou o río en 1346 na batalla de Blanchetaque, culminando a campaña na batalla de Crécy.
• O cruzamento do río tamén figurou prominentemente na campaña que levou á batalla de Agincourt.
• En 1636, o exército de Flandres, invadiu o norte de Francia ameazando París, tras atravesar o río derrotando ao exército de Lois XIII.
• En 1770 iníciase a construción da canle do Somme que foi terminado en 1843 cunha lonxitude de 156 km.
• O Somme fíxose famoso pola batalla do Somme, na primeira guerra mundial en 1916.
• Cerca do río estrelouse o piloto alemán da primeira guerra mundial Manfred von Richthofen, coñecido como o Barón Roxo o 21 de abril de 1918 ao ser alcanzado por unha bala.
• As grandes batallas que finalmente pararon o avance alemán na ofensiva da primavera de 1918 foron loitadas no val do Somme en lugares como Villers Bretonneux, o que marcou o principio do fin da guerra.

Departamentos e cidades que atravesa

• Aisne: San Quintín
• Somme: Ham, Péronne, Corbie, Amiens, Abbeville, Saint-Valéry-sur-Somme, Le Crotoy

Principais afluentes

• Marxe esquerda do río: Omignon, Hallue, Nièvre, Scardon.
• Marxe dereita do río: Avre, Sele, Saint-Landon, Airaine, Ambroise, Ancre.