Rabat

Rabat (en árabe: الرباط, ar-ribâT) é a capital administrativa de Marrocos. Está situada no litoral Atlántico do país, sobre a beira esquerda da foz do río Bu Regreg, enfronte da cidade de Salé. Ten 1.5 millóns de habitantes, e cun total de 2.300.000 habitantes na aglomeración metropolitana.

Rabat

‫رباط (ar)
Localización
34°01′31″N 6°50′10″O
Monarquía constitucional	Marrocos
Rexión	Rabat-Salé-Kénitra (pt)
Prefectura	Rabat (prefeitura) (pt)
Capital de	Marrocos (1956–)
Poboación
Poboación	572.717 (2014) (4.853,53 hab./km²)
Número de fogares	156.398 (2024)
Lingua oficial	lingua árabe
Xeografía
Parte de	Cidades imperiais de Marrocos (pt)
Superficie	118 km²
Bañado por	Rio Bu Regregue (pt) e Océano Atlántico
Altitude	87 m-135 m
Creación	1146
Organización política
• Xefe do goberno	Fatiha El Moudni (en) (2024–sen valor)
Identificador descritivo
Código postal	10000–10220
Fuso horario	UTC+01:00
Prefixo telefónico	537
Outro
Irmandado con	Belén As Palmas de Gran Canaria Damasco concello de Estocolmo Santo Domingo O Cairo Nablus Atenas Bagdad Tunes Bursa Istambul Madrid Sevilla Lisboa Amán (1986–) condado de Honolulu (2006–) Honolulu (2006–)
Patrimonio da Humanidade
Tipo	Patrimonio cultural  → Mundo árabe
Data	2012 (36ª Sesión), Criterios de Patrimonio da Humanidade: (ii) e (iv)
Identificador	1401

Historia

Está documentado o poboamento do sitio que hoxe ocupa Rabat desde a Antigüidade. Propiamente falando a cidade foi fundada en 1150 polo sultán almohade Abd al-Mumin, que fixo edificar unha cidadela-forte (a futura Kasbah dos Udaïa), unha mesquita e unha residencia. É nesa altura que se a denomina un ribat, e dicir, unha fortaleza. O nome actual ven de Ribat Al Fath, « o campo da vitoria ». Foi o neto de al-Mūmin, Ya'qub al-Mansūr, quen engrandeceu e completou a cidade, especialmente dotándoa de murallas. Polo demais, a cidade era a base das expedicións almohades en Al-Andalus.

Entrou nun período de decadencia despois de 1253, cando os Benimerín escolleron Fez como capital. En 1609, logo do decreto de expulsión dos mouriscos emitido por Filipe III, milleiros de musulmáns atoparon refuxio nesta cidade.

En 1912, Lyautey fixo de Rabat a capital do protectorado francés de Marrocos e máis sede do Résident général. En 1956, cando da independencia marroquí, a cidade conservou a capitalidade.

Avenida de Mohammed V.

Monumentos notábeis

• A Kasbah dos Udaïa.
• A torre Hassan e as ruínas da mesquita edificada por Ya'qub al-Mansūr, destruída polo terremoto de 1755 (famoso pola destrución de Lisboa).
• A necrópole de Chella.
• O mausoleo de Mohammed V.
• O Museo dos Udaïa.

Véxase tamén

Ligazóns externas

• Rabat Touristic Portal
• Entry in LexicorientArquivado 06 de febreiro de 2005 en Wayback Machine.
• Rabat photo gallery
• "Rabat". Islamic Cultural Heritage Database. Istanbul: Organisation of Islamic Cooperation, Research Centre for Islamic History, Art and Culture. Arquivado dende o orixinal o 27 de abril de 2013. Consultado o 28 de decembro de 2018. 
• ArchNet.org. "Rabat". Cambridge, Massachusetts, USA: MIT School of Architecture and Planning. Arquivado dende o orixinal o 02 de decembro de 2013. Consultado o 28 de decembro de 2018.