Ramadán
O ramadán[1] (en árabe: رمضان, Ramaḍān), é o noveno mes do calendario musulmán,[2] e é considerado pola comunidade musulmá de todo o mundo como o mes de xaxún para conmemorar a primeira revelación do Corán a Mahoma segundo as crenzas do islam.[3][4] Esta celebración anual está considerada como un dos 5 Alicerces do islam.[5] O mes dura uns 29 ou 30 días baseándose no avistamento da lúa crecente, seguindo as numerosas referencias compiladas no hadiz.[6][7]
Calendario
editarO calendario musulmán é un calendario lunar, cada mes comeza despois da lúa nova, ao se facer visible o primeiro brillo da lúa crecente. A maioría dos musulmáns insiste na observación local do cuarto crecente para marcar o principio do ramadán, mais outros prefiren o cálculo da lúa nova para determinar o empezo do mes. Xa que o primeiro crecente non aparece ao mesmo tempo en todos os lugares, as datas de inicio e fin do mes depende do que se ve en cada lugar. Xa que logo, as datas varían dun país a outro, e se non hai evidencia de lúa pode comezar un día despois[8]. Como o calendario musulmán pode contar dez, once ou, en anos bisestos, doce días menos que o solar e sen embolismo ningún, o ramadán muda cada ano e pasa progresivamente dunha estación a outra.
As datas correspondentes ao inicio e fin deste mes no calendario gregoriano son as seguintes[9]:
| Ano (calendario musulmán) | Ano (calendario gregoriano) | Ramadán |
|---|---|---|
| 1441 | 2020 | 24 de abril - 23 de maio |
| 1442 | 2021 | 13 de abril - 12 de maio |
| 1443 | 2022 | 3 de abril - 2 de maio |
| 1444 | 2023 | 23 de marzo - 21 de abril |
Celebracións
editar
Lailat al-Qadr
editarLailat al-Qadr (noite do destino) está considerada a noite máis santa do ano, conmemora a noite no que o arcanxo Gabriel lle revelou ao profeta Mahoma os primeiros versos do Corán[10]. Para os musulmáns esta noite é "mellor que mil meses" de oracións, boas accións e invocación: rezar durante toda esta noite ten tanta recompensa como rezar durante mil meses, xa que logo, moitos musulmáns pasan parte, ou mesmo toda, da noite a rezar ou ler o Corán. Non hai unha data exacta, e a falta de poder determinada é habitual que os crentes celebren ese día varias veces no ramadán para asegurar o seu cumprimento.
Segundo a tradición sunnita esta noite cadra nos últimos dez días impares do ramadán, e así pode ser o 21, 23, 25, 27 ou 29 dese[11], aínda que se adoita facer énfase no 27[12]. Mentres na tradición xiíta, esta noite tamén coincide co último terzo do ramadán, mais fan fincapé no 19, 21 ou 23 do mes[13].
Eid al-Fitr
editar
O Eid al-Fitr, a fin do período de xaxún e do ramadán, é unha ocasión de celebración e festa que abrangue tres días.[14] Tras a fin do xaxún, os musulmáns acoden ás mesquitas a primeira hora da mañá vestidos coa súa mellor roupa, moitas veces nova, para a primeira oración do Eid. Os nenos reciben agasallos, organízanse festas e visítanse familiares e amigos. Tamén é tradición darlles alimentos aos pobres.
Outros acontecementos
editarNo ramadán conmemóranse varios acontecementos importantes da historia do islam:
- 6 de ramadán, nacemento de Hussein, fillo pequeno de Mahoma[15] ;
- 10 de ramadán, morte de Khadija, a primeira esposa de Mahoma, en 619[15] ;
- 17 de ramadán, a batalla de Badr, que significou a primeira vitoria sobre os quraysh da Meca, en 624[15] ;
- 19 de ramadán, a conquista da Meca en 630[15];
- 21 ramadán, o asasinato de Ali, xenro de Mahoma, 4º califa e 1º imán xiíta, en 661[15];
- 22 de ramadán, nacemento do anterior ;
- Morte de Ali al-Rida, 8º imán xiíta, en 818[16].
Notas
editar- ↑ Definición de ramadán no Dicionario de Galego de Ir Indo e a Xunta de Galicia.
- ↑ BBC - Religions Consultado o 25 de xullo de 2012
- ↑ The Global Times Online, ed. (2012). "Muslims worldwide start to observe Ramadan". Consultado o 28 de xullo de 2012.
- ↑ Power Text Solutions, ed. (2012). "The Muslim World Observes Ramadan". Arquivado dende o orixinal o 11 de febreiro de 2021. Consultado o 28 de xullo de 2012.
- ↑ BBC (ed.). "Schools - Religions". Arquivado dende o orixinal o 27 de agosto de 2012. Consultado o 25 de xullo de 2012.
- ↑ Bukhari-Ibn-Ismail, AbdAllah-Muhammad. hadithcollection.com, ed. "Sahih Bukhari - Book 031 (The Book of Fasting), Hadith 124.". Arquivado dende o orixinal o 13 de xuño de 2012. Consultado o 25 de xullo de 2012.
- ↑ Muslim-Ibn-Habaj, Abul-Hussain. hadithcollection.com, ed. "Sahih Muslim - Book 006 (The Book of Fasting), Hadith 2378.". Arquivado dende o orixinal o 15 de xaneiro de 2013. Consultado o 25 de xullo de 2012.
- ↑ "Mistério da lua marca início do Ramadã nos países muçulmanos" Arquivado 03 de xuño de 2020 en Wayback Machine.. Exame, 20 de xullo de 2012
- ↑ IslamiCity - Hijri Gregorian Converter: https://www.islamicity.org/Hijri-Gregorian-Converter.
- ↑ Neal Robinson (1996) Islam: A Concise Introduction, Curzon Press:Londres
- ↑ "Lailat-ul-Qadr - The night of Power". Islamic Academy
- ↑ "Laylat ul Qadr 2020 - 27th Ramadan 1441". Islamic Finder
- ↑ "The Discrepancy in the Laylat al-Qadr between Shia and Sunni". Ijtihad Network, 24 de maio de 2019
- ↑ "Ramadan". Microsoft Encarta. 22 de agosto de 2008. p. 2/2. Arquivado dende o orixinal o 02 de setembro de 2008. Consultado o 25 de abril de 2020.
- ↑ 15,0 15,1 15,2 15,3 15,4 Fariba Adelkhah et François Georgeon (2009), Ramadan et politique, París:CNRS, p. 8
- ↑ 16,0 16,1 "Ramadan" in Encyclopedia of Islam, New York:Facts On File, pp 580-581