Reino de Deira

Reino de Deira
	Deren Rīce (ang)
Localización
	54°00′N 0°30′O / 54, -0.5
Capital	York
Datos históricos
Creación	c. 450
Disolución	655 (Gregoriano)
Sucedido por	Reino de Northumbria

Deira foi un reino da Inglaterra setentrional durante o século VI. Estendíase desde o río Humber ata o Tees, e desde o mar ata a esquina occidental do Vale of York. Posteriormente uniuse ao reino de Bernicia, situado máis ao norte, para formar o reino de Northumbria.

O nome do reino é de orixe britana, se cadra de Deifr, que significa "augas", ou de Daru, que significa "carballo", en cuxo caso podería equivaler a "a xente do Derwent",unha derivación que tamén se atopa no nome latino de Malton, Derventio.^[1]

Lista de monarcas de Bernicia, Deira e Northumbria desde 547 (dun libro de 1834).^[2]

Segundo Simeón de Durham estendíase desde o Humber ata o Tyne, pero a terra era mala ao norte do Tees. Despois de que o reino britano con centro en Eboracum, que pode que se chamase Ebrauc, fose tomado por Edwin, a cidade de Eboracum converteuse na súa capital e pasou a chamarse Eoforwic (o lugar do verrón) polos anglos. Antes disto é posíbel que a capital teña estado en Pocklington ou preto de alí.

O primeiro rei anglo de Deira do que temos constancia é Ælla, que floreceu a finais do século VI tras conquistar o reino aos britanos en 581. Á súa morte, Deira estivo sometida ao rei Æthelfrith de Bernicia, quen uniu ámbolos reinos no de Northumbria. Æthelfrith gobernou ata a ascensión do fillo de Ælla Edwin, en 616 ou 617, quen tamén gobernou os dous reinos ata 633.

Osric, o sobriño de Edwin, gobernou Deira tras Edwin, pero o seu fillo Oswine foi matado por Oswiu en 651. Por algúns anos Deira estivo gobernada por Æthelwald fillo de Oswald de Bernicia.

Beda escribiu sobre Deira na súa Historia Ecclesiastica.

Reis de Deira

Véxase tamén: Lista de reis de Northumbria.

Reinado	Rei		Notes
559/560 a 589	Aella (Aelli)	ÆLLA YFFING DEIRA CYNING ÆLLA REX DEIRA
589/599 a 604	Aethelric (Aedilric)	ÆÞELRIC IDING BERNICIA 7 DEIRA CYNING ÆÞELRIC REX BERNICIA ET DEIRA
Dinastía de Bernicia
593/604? a 616	Aethelfrith	ÆÞELFERÞ ÆÞELRICING DEIRA CYNING ÆÞELFERÞ REX DEIRA	Morto en combate
Dinastía de Deira
616 a 12/14 de outubro de 632	Edwin	EDVVIN ÆLLING BERNICIA 7 DEIRA CYNING EDVVIN REX BERNICIA ET DEIRA	Morto en combate por Cadwallon de Gwynedd e Penda de Mercia
finais de 633 a verán de 634	Osric	OSRIC ÆLFRICING DEIRA CYNING OSRIC REX DEIRA
633 a 5 de agosto de 642	Oswald	OSVVALD BERNICIA 7 DEIRA CYNING OSVVALD REX BERNICIA ET DEIRA	Morto por Penda, rei de Mercia; San Oswald
642 a 644	Oswiu	OSVVIO ÆÞELFRIÞING BERNICIA 7 DEIRA CYNING OSVVIO REX BERNICIA ET DEIRA
644 a 651	Oswine	OSVVINE OSRICING DEIRA CYNING OSVVINE REX DEIRA	Murdered
verán de 651 ata finais de 654 ou 655	Æthelwald	ÆÞELVVALD OSVVALDING DEIRA CYNING ÆÞELVVALD REX DEIRA
654 a 15 de agosto de 670	Oswiu	OSVVIO ÆÞELFERÞING NORÞANHYMBRA CYNING OSVVIO REX NORÞANHYMBRA	Restored
656 a 664	Alchfrith	ALCHFRIÞ DEIRA CYNING ALCHFRIÞ REX DEIRA
670 a 679	Aelfwine	ÆLFVVINE DEIRA CYNING ÆLFVVINE REX DEIRA

Notas

↑ N. J. Higham, The Kingdom of Northumbria AD 350-1100, p. 81
↑ Mackenzie, E. & Ross, M. (1834): An Historical, Topographical, and Descriptive View of the County Palatine of Durham. I. p. xi. Mackenzie and Dent. Newcastle upon Tyne. [1] acceso o 2008-07-23

Bibliografía

Geake, Helen & Joanthan Kenny (eds.) (2000). Early Deira: Archaeological studies of the East Riding in the fourth to ninth centuries AD. Oxford: Oxbow. ISBN 1-900188-90-2
Higham, N.J. (1993). The Kingdom of Northumbria AD 350-1100. Stroud: Sutton. ISBN 0-86299-730-5

[1] N. J. Higham, The Kingdom of Northumbria AD 350-1100, p. 81

[2] Mackenzie, E. & Ross, M. (1834): An Historical, Topographical, and Descriptive View of the County Palatine of Durham. I. p. xi. Mackenzie and Dent. Newcastle upon Tyne. [1] acceso o 2008-07-23

[1]

[2]