Rotterdam

Rotterdam
	Bandeira Brasón
Alcume	Rotjeknor
Epónimo	presa de encoro
Localización
	51°55′N 4°29′L / 51.92, 4.48
Estado	Reino dos Países Baixos
País	Países Baixos
Provincias	Holanda Meridional
Concello	Roterdão (pt)
Capital de	Roterdão (pt)
Poboación
Poboación	664.311 (2023) (2.080,2 hab./km²)
Xeografía
Parte de	Países Baixos
Superficie	319,35 km²
Auga	35,52 %
Bañado por	Nieuwe Waterweg (en) e Novo Mosa (pt)
Altitude	10 m
Comparte fronteira con	Pijnacker-Nootdorp ; Zuidplas (pt) ; Capelle aan den IJssel (pt) ; Ridderkerk (pt) ; Barendrecht (pt) ; Delft ; Schiedam (pt) ; Lansingerland (pt) ; Nissewaard (pt) ; Albrandswaard (pt)
Datos históricos
14 de maio de 1940	Evento clave
14 de maio de 1940	Bombardeio de Roterdã (pt)
Organización política
• Xefe do goberno	Ahmed Aboutaleb (2009–)
Membro de	Rede Internacional de Cidades de Refuxio
Identificador descritivo
Código postal	3000–3089
Fuso horario	UTC+01:00
Prefixo telefónico	010
Código BAG	3086
Outro
Irmandado con	Colonia ; Szeged ; Surabaia ../... 28+
Sitio web	rotterdam.nl

Rotterdam^[1]^[2] (en neerlandés: Rotterdam, [ɾɔtər'dɑm] (AFI), escoitar) é unha cidade do oeste dos Países Baixos, situada na provincia de Holanda Meridional, preto da Haia e a uns 30 km do mar. É a segunda cidade máis poboada do país despois de Ámsterdam, cunha poboación de 635 389 habitantes. Forma xunto a cidade da Haia unha área metropolitana que acada os 2,3 millóns de habitantes.^[3]

O seu porto, situado á beira do río Mosa, é o maior porto marítimo do mundo. O topónimo Rotterdam é derivado de dam (presa) sobre o río Rotte, un pequeno río que conflúe co Mosa no lugar onde se fundou a cidade. A cidade foi destruída durante a segunda guerra mundial polos bombardeos do exército alemán.

Historia

Rotterdam destacou como notábel centro de transporte marítimo a finais do século XVII, durante o período coñecido como a Idade de ouro dos Países Baixos. A cidade, que se beneficiou de todo o tráfico marítimo asociado ao comercio da Compañía Holandesa das Indias Orientais, ampliou as súas instalacións portuarias e estendeuse ao longo do río Nieuwe Maas.

A profunda canle Nieuwe Waterweg (Nova Vía Acuática, 1866-1890) construíuse para permitir o acceso ao mar do Norte das grandes embarcacións marítimas. Esta canle e a expansión do comercio que provocou foron a principal causa do impulso económico que experimentou a cidade a finais do século XIX.

Gran parte da antiga cidade foi bombardeada e destruída durante a segunda guerra mundial, despois do cal se construíu unha cidade moderna e de novo deseño, laboratorio de modernos deseños arquitectónicos. As principais áreas comerciais e residenciais atópanse na beira norte do Mosa.

Economía

Waalhaven

Europoort, un gran conxunto portuario no extremo oeste da canle, foi construído na década de 1960 para a descarga e almacenamento do cru procedente dos petroleiros.

Varias canles comunican a cidade con outros centros urbanos na Unión Europea. O cruzamento de canles máis grande do continente foi inaugurado en Magdeburgo en 2003, co que se posibilitou que o tráfico chegue até Berlín.^[4]

Ponte de Erasmo.

Na beira sur do río Mosa existen outras instalacións e importantes industrias, entre as que se contan refinarías de petróleo, estaleiros e fábricas de produtos químicos, artigos de metal e refinarías de azucre.

Entre os produtos exportados destacan o carbón, a maquinaria e os produtos lácteos; as principais importacións son de aceite e gran.

Política

O 16 de outubro do 2008 a maioría socialdemócrata do consello municipal da cidade elixiu como alcalde o marroquí Ahmed Aboutaleb. Aboutaleb é político de 47 anos de idade, que chegou aos Países Baixos na súa adolescencia, pasando máis tarde a formar parte do Partido dos Traballadores (PvdA), de orientación socialdemócrata. Anteriormente traballaba como Secretario de Estado para traballo e asuntos sociais no goberno de coalición de democristiáns e socialdemócratas da Haia.

Cultura e turismo

15 de maio de 2007, conmemoración do bombardeo da cidade por parte das tropas alemás na segunda guerra mundial.

A cidade alberga o famoso Museo Boymans-van Beuningen (1847) e a Universidade Erasmo de Rotterdam (1973). Tamén podemos atopar o xardín zoolóxico Blijdorp, que posibelmente contén unha das máis belas colección de aves do paraíso do mundo.

Debido aos danos sufridos na segunda guerra mundial, Rotterdam converteuse nunha cidade estraña, diferente daqueloutras cidades centroeuropeas cuxos centros históricos reflicten o barroco do noso século, resultante da aglomeración de todo tipo de bazares, comercios, mercados, oficinas, vivendas, museos, igrexas... En Rotterdam isto non existe: a planificación das vías, beirarrúas e carrís-bici é perfecta, todo alcánzase rapidamente tanto en coche como a pé ou en bicicleta. A cidade pode parecer deseñada por computador, onde todo é novo. Con todo, se algo converte Rotterdam nunha cidade admirada é, sen dúbida, a súa obsesión arquitectónica. Non hai punto na cidade desde o que non se poida lograr un plano fotográfico inquietante. Pontes, escaleiras, bancos, farois, termómetros: en Rotterdam, calquera obxecto recibiu un deseño arquitectónico diferente.

A combinación de formas suaves con formas agresivas, de liñas rectas con curvas, e de cores pálidas con brillantes atopa en Rotterdam o seu mellor fogar. Porén, Rotterdam decepcionar a quen busque nela á irmá máis nova de Ámsterdam. Non só a historia, as rúas ou os edificios, senón tamén o ambiente na rúa, non concordan co estereotipo da cidade holandesa.

As vistas da cidade na noite merecen, sen dúbida, a maior admiración. Pasear polas súas rúas observando os debuxos formados polas luces dos rañaceos, cruzar os tres grandes pontes da cidade portuaria en bicicleta ou pararse a respirar o aroma salgado das augas con máis poder comercial de Europa son pequenos praceres dos que non atopará ningunha referencia nas guías de viaxes.

Relacións internacionais

A cidade de irmandada con 14 cidades. Con outras 12 cidades mantén acordos de cooperación e ademais polas súas características de cidade portuaria tamén desenvolveu relación de irmandade con outros portos mundiais importantes.

Cidades irmandadas

Colonia (dende 1958)
Esch-sur-Alzette (dende 1958)
Lille (dende 1958)
Turín (dende 1958)
Liexa (dende 1958)
Burgas (dende 1976)
Constanza (dende 1976)

Gdańsk (dende 1977)
Shanghai (dende 1979)
A Habana (dende 1983)
San Petersburgo (dende 1984)
Baltimore (dende 1985)
Dresde (dende 1988)
Istambul (dende 2005)

Cidades con acordos de cooperación

Kingston upon Hull (dende 1936)
Anveres (dende 1940)
Basilea (dende 1945)
Oslo (dende 1945)
Duisburgo (dende 1950)
Nuremberg (dende 1961)

Iacarta (dende 1983)
Osaca (dende 1984)
Budapest (dende 1991)
Bratislava (dende 1991)
Durban (dende 1991)
Praga (dende 1991)

Portos irmáns

Kōbe (dende 1967)
Seattle (dende 1969)
Busan (dende 1987)
Toquio (dende 1989)

Notas

↑ Definicións no Dicionario da Real Academia Galega e no Portal das Palabras para holandés.
↑ Outras fontes empregan as formas galegas Róterdan (Universidade de Vigo Arquivado 01 de xuño de 2014 en Wayback Machine.) ou Róterdam (Universidade da Coruña
↑ "Gemeenten". Metropoolregio Rotterdam Den Haag (en neerlandés).
↑ Autoestradas de auga

Véxase tamén

Outros artigos

Erasmo de Rotterdam

Ligazóns externas

Guía turística de Rotterdam

Predecesor: Aviñón Bergen Boloña Bruxelas Cracovia Helsinqui Praga Reiquiavik Santiago de Compostela	Capital Europea da cultura xunto con Porto 2001	Sucesor: Salamanca Bruxas

[1] Definicións no Dicionario da Real Academia Galega e no Portal das Palabras para holandés.

[2] Outras fontes empregan as formas galegas Róterdan (Universidade de Vigo Arquivado 01 de xuño de 2014 en Wayback Machine.) ou Róterdam (Universidade da Coruña

[3] "Gemeenten". Metropoolregio Rotterdam Den Haag (en neerlandés).

[4] Autoestradas de auga

[1]

[2]

[3]

[4]