Sónar

O Sónar é un festival de música electrónica e experimental de Barcelona, creado no 1994 por Ricard Robles, Enric Palau e Sergi Caballero aínda que o nome orixinal era Festival Internacional de Música Avanzada e Arte Multimedia de Barcelona. Hoxe en día é organizado pola empresa Advanced Music.

Sónar
Festival no 2006
Localización	Barcelona, España
Anos	1997 -
Nº edicións	17
Fundadores	Ricard Robles, Enric Palau e Sergi Caballero
Data	17, 18 e 19 de xuño de 2010
Xénero	Música electrónica
Organizador	Advanced Music S.L.
Web oficial	www.sonar.es
Na rede

Historia e características

Celébrase cada ano a mediados de xuño cunha duración de tres días e está considerado coma un dos festivais máis prestixiosos de Europa do seu xénero. As actividades desenvólvense en diferentes escenarios do barrio do Ravel, no centro de Barcelona. O Centro de Cultura Contemporánea de Barcelona (CCCB), o Museu d'Art Contemporani de Barcelona (MACBA) ou a Fira Gran Via M2 de L'Hospitalet de Llobregat, adoitan ser escenarios escollidos para o festival.

O Sónar non ofrece só actuacións musicais, senón que tamén organiza conferencias e exposicións de prestixiosos artistas internacionais que tratan as últimas tendencias en música electrónica, arte multimedia, vídeo e cinema.

No ano 2010 realizouse unha edición conxunta en Barcelona e na Coruña dentro do programa de actuacións do Xacobeo, celebrándose no recinto de ExpoCoruña.

Véxase tamén

Ligazóns externas

• Sitio Oficial (en castelán)
• Comezo de Sónar Galicia en A Nosa Terra
• Suplemento especial en Galicia Hoxe Arquivado 18 de setembro de 2019 en Wayback Machine.