Sant Sadurní d'Anoia

Sant Sadurní d'Anoia é un municipio español da comarca do Alt Penedès, na provincia de Barcelona, Cataluña.

Sant Sadurní d'Anoia

Brasón
Epónimo	Sadurniño de Tolosa
Localización
41°25′34″N 1°47′06″L
Estado	España
Comunidade autónoma	Cataluña
Provincia	provincia de Barcelona
Comarca	Alt Penedès
Capital	Sant Sadurní d'Anoia (en)
Poboación
Poboación	12.945 (2023) (681,32 hab./km²)
Número de fogares	30 (1553)
Lingua oficial	lingua catalá
Xeografía
Parte de	Mancomunidade Penedès i Garraf
Superficie	19 km²
Bañado por	Anoia (en) e riera de Lavernó (en)
Altitude	162 m
Comparte fronteira con	Piera Subirats Gelida Sant Llorenç d'Hortons Torrelavit
Organización política
• Alcalde	Pere Vernet Caldu (en) (2023–)
Orzamento	17.268.320 € (2024)
Identificador descritivo
Código postal	08770
Fuso horario	UTC+01:00
Código INE	08240
Código territorial IDESCAT	082401
Outro
Irmandado con	Bastia Umbra (pt) Cañete la Real
Sitio web	santsadurni.cat

Igrexa de Sant Sadurní d'Anoia.

Toponimia

O termo Sadurní procede do antropónimo latino Saturninus, diminutivo de Saturnus 'Saturno'. O predicado ao río Anoia, do latín amnucula 'regato'.

Xeografía

Pertence á comarca do Alt Penedès e linda cos termos municipais de Piera e Sant Llorenç d'Hortons ao norte, Gelida ao leste, Subirats ao leste e sur, e Torrelavit ao oeste, todos de Barcelona. O termo contén os núcleos rurais de Can Benet de la Prua, Can Catassús, Espiells e Monistrol d'Anoia.

Historia

As súas orixes están na antiga parroquia de Sant Sadurní de Subirats documentada en 1080. A súa situación privilexiada respecto ao resto de parroquias da zona, aceleraron a súa prosperidade conseguindo ser municipio independente en 1764, momento no que adquire o seu nome actual.

Aínda que o cultivo da viña é anterior, será no século XVIII cando empece a desenvolverse grazas á demanda do mercado americano. Durante os anos 1869 e 1880 vivirase o momento de maior crecemento debido á praga da filoxera que sufrían os viñedos franceses. Desgraciadamente, en 1887, a praga tamén chegaría a San Sadurní arruinando viñas e a economía da poboación. Con todo, campesiños e arrendadores, baixo a dirección de sete propietarios locais, que posteriormente serían alcumados como "os sete sabios de Grecia", emprenderon a ardua tarefa de loitar contra a filoxera. Deste xeito o municipio convértese no principal núcleo catalán na loita contra a praga. Comezouse a replantar as viñas con pés de cepa americana, inmunes á praga, e aos poucos a produción foi crecendo ata chegar aos nosos días nos que San Sadurní é o principal produtor de cava do país.

Demografía

Evolución demográfica

1900	1930	1950	1970	1981	2000	2008
2.671	4.198	4.168	7.074	8.591	9.539	11.909

Monumentos

• Ermida de Sant Benet d'Espiells: entre os séculos X e XI de estilo prerrománico.
• Casa Consistorial.
• Fonte do Mingo.
• Antigo Hospital.

Festas

• Do 1 ao 16 de setembro: Fires i Festes, onde destacan a "Festa da Fil·loxera", en recordo da temible praga, a Festa dels Barris" e a "Festa Major".
• Doutra banda, a primeira fin de semana de outubro celébrase o chamado "Cavatast". Este evento reúne todas as empresas da denominación do cava, así como outras empresas relacionadas coa gastronomía, nunha verdadeira feira. Toda a céntrica Rambla de la Generalitat prepárase para o evento, onde cada cavista ofrece unha copa de cava no seu posto (caseta) aos visitantes a cambio dun tícket, que compran previamente. Desta forma, inténtase promover a degustación da incriblemente variada oferta de cava, ademais de embutidos, chocolate e outros aperitivos. Os visitantes gozan tamén dunha oferta lúdica extraordinaria.

Galería de imaxes

• 
  Igrexa

Véxase tamén

Ligazóns externas

• Sitio web oficial (en catalán)
• Información da Generalitat de Catalunya (en catalán)
• Información do Institut d'Estadística de Catalunya (en catalán)