Smile
Smile foi un grupo de música activo desde 1968 a 1970, formado por Tim Staffell (voz e baixo), Brian May (guitarra) e Roger Taylor (estes dous últimos despois integrantes de Queen). Foi unha das bandas que no seu día abraiara a un rapaz chamado Farrokh Bulsara, coñecido máis adiante como Freddie Mercury, quen posteriormente rematou por unirse a eles. Foi nese momento cando decidiron mudar o nome da banda, e naceu Queen.[1]
| Smile | |
|---|---|
 | |
| Orixe | Londres,  Inglaterra |
| Período | 1968 - 1970 1992 2018 |
| Xénero(s) | blues rock, rock psicodélico, rock progresivo |
| Selo(s) discográfico(s) | Mercury Records |
| Membros | Brian May Tim Staffell Roger Taylor |
| Antigos membros | Brian May Tim Staffell Roger Taylor |
| Artistas relacionados | Queen |
| Na rede | |
    | |
Traxectoria
editarBrian May e Tim Staffel formaran a banda cando estaban na universidade e ao necesitar un batería, tras pór avisos na universidade e facer varias audicións, aceptaron a Roger Taylor quen, dende ese momento foi o batería oficial do grupo e se converteu nun grande amigo de Brian May.
Dende finais de 1968 e a primeira metade de 1969 deron concertos en sitios como o Imperial College de Londres e en Truro, lugar de orixe de Roger. Foron abreconcertos de conxuntos coma Pink Floyd, Yes e The Troggs. Tamén actuaron no Royal Albert Hall de Londres xunto a Free, Joe Cocker e Bonzo Dog Doo-Dah Band.
En xuño de 1969, a banda conseguiu gravar tres temas nos estudos Trident de Londres: "Earth" e "Step On Me", que foron lanzados como o único disco sinxelo do grupo e só en Estados Unidos, en agosto dese ano. O terceiro tema "Doin' Alright", escrito por Tim e Brian foi, posteriormente, regravado por Queen para o seu álbum de debut, aínda que a canción retitulouse como Doing All Right. No mes seguinte, realizaron outro concerto en Truro, antes de entrar en De Lane Lea Studios para gravar tres novos temas: "April Lady", "Polar Bear" e "Blag". Este último cos primeiros bosquexos do que despois sería "Brighton Rock" do álbum de Queen, Sheer Heart Attack.
Smile realizou tan só dous concertos máis antes de que Tim abandonara o grupo, en marzo de 1970, para se unir ao grupo Humpy Bong, pois opinaba que tocando en universidades e tabernas non chegarían a nada. Este feito facilitou a entrada no grupo de Fredie Mercury, dando orixe a Queen, e que pouco tempo despois chegara John Deacon, co que se completou a formación definitiva.
En 1982, 12 anos despois da desintegración do grupo, lanzouse non mercado xaponés unha recompilación dos 6 temas gravados por Smile, debido a alta demanda de todo o relacionado con Queen por parte dos afeccioados xaponeses.
O 21 de decembro de 1992, Tim Staffell uniuse a un concerto dado pola banda de Roger Taylor, The Cross, no Marquee Club de Londres. E ao día seguinte, uniuse nun segundo concerto Brian May, reunindo 23 anos despois da última presentación, a Smile ao completo e interpretaron dous temas: "Earth" e "If I Were A Carpenter".
En 1997, lanzouse en formato CD, o disco Ghost Of A Smile, cos 6 temas de Smile. Finalmente en 2003, Tim Staffell e Brian May volveron gravar "Earth" e "Doing Alright" para o disco en solitario de Staffell.
En 2018, co lanzamento da película biográfica de Queen, Bohemian Rhapsody, sóubose que a etapa de Smile estaría reflectida na pantalla. Despois, durante a posprodución da cinta, May, Taylor e Staffell reuníronse nos estudos Abbey Road, para regravar Doin' Alright. Segundo Staffell, Brian May sentiuse insatisfeito coa voz do actor que fai o papel de Staffell, afirmando: "Fun a Abbey Road e dobrei algunhas partes cantando "Doin’ Alright". Intentamos que soara máis a Smile, e coido que funcionou. Fixémolo un pouco máis agresivo, máis cru; que se parecera máis ao son da época en que se gravou, a pesar de que a maioría das pistas sexan da versión de Queen".[2] A canción, tamén foi compilada na banda sonora da película.[3]
Temas derivados a Queen
editarAlgunhas das cancións máis coñecidas desta formación acabaron converténdose en temas editados por Queen, como "April Lady", "Polar Bear", "Earth" ou "Doing all Right", este último gravado no primeiro disco de Queen e que foi a única canción de Smile que Queen seguiu interpretando.
Discografía
editarSinxelos
editar- 1969 - Earth / Step On Me (publicado só nos Estados Unidos).
Álbums
editarConcertos realizados pola banda
editar- verán 1968 - PJ's Club, Truro
- verán 1968 - Flamingo Ballroom, Redruth
- verán 1968 - Imperial College, Londres
- 26 de outubro 1968 - Imperial College, Londres
- 31 de xaneiro 1969 - Imperial College, Londres
- 27 de febreiro 1969 - The Royal Albert Hall, Londres
- 28 de febreiro 1969 - Richmond athletic club
- 15 de marzo 1969 - Imperial College, Londres
- 28 de marzo 1969 - PJ's Club, Truro
- 29 de marzo 1969 - PJ's Club, Truro
- 18 de abril 1969 - PJ's Club, Truro
- 19 de abril 1969 - Revolution Club, Londres
- 19 de xullo 1969 - PJ's Club, Truro
- 13 de setembro 1969 - PJ's Club, Truro
- 14 de setembro 1969 - PJ's Club, Truro
- 13 de decembro 1969 - Marquee Club, Londres
- 31 de xaneiro 1970 - Imperial College, Londres
- 27 de xuño 1970 - Auditorio do concello de Truro
(Os concertos en cursiva foron gravados e se poden ver no vídeo "Queen - Champions of the World"
Notas
editar- ↑ "Queen - Birth of a Rock Legend". h2g2.com (en inglés). 27 de maio de 2005 (actualizado o 25 de xullo de 2013). Consultado o 25-11-2019.
- ↑ Reyo, Ignacio (5-9-2018). "Tim Staffell, el hombre que pudo reinar". efeeme.com (en castelán). Consultado o 25-11-2019.
- ↑ Peacock, Tim (5-12-2018). "NEWS‘Bohemian Rhapsody’ Original Film Soundtrack Set For October Release". udiscovermusic.com. Consultado o 25-11-2019.
Véxase tamén
editar| Wikimedia Commons ten máis contidos multimedia na categoría: Smile |
Ligazóns externas
editar
|
Este artigo sobre música é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |