- Un novo deseño do balón da NBA revelouse o 28 de xuño de 2006, día do Draft. Debido ás queixas dos xogadores e adestradores, volveuse ao anterior balón o 1 de xaneiro do 2007.
- O All-Star Game de 2007 disputouse o 18 de febreiro de 2007 no Thomas & Mack Center de Las Vegas, Nevada, sendo a primeira vez que o evento é acollido nunha cidade que non dispón de equipo da NBA. O Oeste gañou 153-132 ao Leste con Kobe Bryant de MVP do partido por segunda vez na súa carreira.
- Por segundo e tamén último ano consecutivo, os New Orleans Hornets xogaron os seus partidos na casa en Nova Orleáns, Louisiana e en Oklahoma City, Oklahoma, debido aos desastres do furacán Katrina.
- Xogadores de Denver Nuggets e New York Knicks enleáronse nunha pelexa o 16 de decembro durante a disputa dun encontro no Madison Square Garden. Dez xogadores foron expulsados da pista, incluído Carmelo Anthony dos Nuggets, por entón máximo anotador da liga. Como resultado do incidente, sete xogadores foron sancionados, o máis notable Anthony, con 15 partidos de castigo.
- Tras 11 tempadas nos Philadelphia 76ers, Allen Iverson foi traspasado aos Denver Nuggets.
- Tanto Phoenix Suns como Dallas Mavericks conseguiron unha racha de máis de 12 vitorias consecutivas durante a tempada regular. Os Suns chegaron ata os 15 e 17 encontros (quinta mellor racha da historia da NBA), mentres que os Mavs conseguiron 12, 13 e 17 partidos consecutivos con vitoria. San Antonio Spurs tamén se uniu a eles con 13 partidos seguidos gañados.
- Kobe Bryant anotou 50 puntos ou máis en catro partidos consecutivos, ante Portland Trail Blazers, Minnesota Timberwolves, Memphis Grizzlies e New Orleans Hornets, sendo a cuarta mellor racha da historia por detrás das de Wilt Chamberlain.
- Jason Kidd e Vince Carter conseguiron ser a décima parella de compañeiros de equipo na historia da NBA en realizar un triplo-dobre no mesmo partido. A última en 20 anos foi de Michael Jordan e Scottie Pippen de Chicago Bulls.
- Toronto Raptors gañou o primeiro título de división na súa historia. Tamén se converteu no primeiro equipo canadense da NBA en gañar dito campionato.
- Golden State Warriors, que non se clasificaban a playoffs dende 1994, foi o primeiro equipo dende que se instauraron as series ao mellor de 7 partidos en eliminar ao campión da conferencia clasificándose na oitava posición. Os Warriors venceron aos Mavericks (autores de 67 vitorias na tempada regular) por un claro 4-2.
- Dirk Nowitzki gañou o MVP da Tempada e Tony Parker o MVP das Finais, sendo a primeira vez que un europeo gaña ambos galardóns.
* V: Vitorias
* D: Derrotas
* %V: Porcentaxe de vitorias
* P: Partidos de diferenza respecto á primeira posición
