The Notebook (filme)

The Notebook é un filme romántico e dramático dirixido por Nick Cassavetes que se estreou no 2004. Baséase no libro The Notebook do escritor norteamericano Nicholas Sparks. Está protagonizado por Ryan Gosling e Rachel McAdams, que interpretan á parella de mozos que se namoran na década de 1940. A súa historia é narrada dende o presente por un home maior (interpretado por James Garner) que lle le a historia a unha compañeira da residencia (interpretada por Gena Rowlands).

The Notebook
Ficha técnica
Título orixinal	The Notebook
Director	Nick Cassavetes
Produtor	Mark Johnson Lynn Harris
Guión	Jeremy Leven
Baseado en	The Notebookde Nicholas Sparks
Intérpretes	Ryan Gosling Rachel McAdams James Garner Gena Rowlands
Música	Aaron Zigman
Fotografía	Robert Fraisse
Montaxe	Alan Heim
Estudio	Avery Pix
Distribuidora	New Line Cinema
Estrea	20 de maio de 2004
Duración	124 minutos
Orixe	Estados Unidos
Xénero	Romántica
Orzamento	$29.000.000
Recadación	$115.603.229
Na rede
http://www.thenotebookmovie.com/

The Notebook recibiu críticas diversas, mais tivo boa acollida do público e foi nomeado a varios galardóns, gañando oito Teen Choice Awards, un Satellite Award e un MTV Movie Award. Ós poucos, foise convertendo nun filme de culto. O 11 de novembro de 2012, ABC Family estreou unha versión estendida con escenas eliminadas.

Argumento

Un ancián vaille contando unha historia a unha anciá que ten alzhéimer.

A historia está ambientada nos anos corenta. Unha moza adolescente, Allie Hamilton, de familia adiñeirada, vai pasar o verán canda a súa familia á cidade costeira de Seabrook, onde coñecerá a un rapaz, traballador dunha fábrica, de familia humilde, chamado Noah Calhoun, co que vivirá un romance estival intenso. A familia de Allie non está de acordo coa relación, e incluso adiantarán a fin das súas vacacións para rompela. Logo, durante un ano, Noah estaralle escribindo unha carta por día a Allie, mais esta nunca recibirá as misivas, pois serán todas interceptadas pola súa nai. Noah e Allie perderán o contacto seguindo as súas vidas por separado.

Sete anos despois, cando Allie está probando o seu vestido de voda (vai casar con Lon, un home de boa clase social), olla no xornal unha fotografía de Noah e decide volver ao pobo onde se coñeceran e no que Noah aínda vive. Con todo, ao final Allie e Noah viven felices xuntos.

Allie é a vella con alzhéimer e el o ancián que lle le a historia para que recorde quen é.

Personaxes

• Ryan Gosling como Noah Calhoun
• Rachel McAdams como Allison "Allie" Hamilton
• James Garner como Noah Calhoun de maior / "Duke"
• Gena Rowlands como Allie Calhoun de maior
• Joan Allen como Ann Hamilton
• James Marsden como Lon Hammond, Jr.
• Jamie Brown como Martha Shaw
• Sam Shepard como Frank Calhoun
• David Thornton como John Hamilton
• Kevin Connolly como Fin
• Heather Wahlquist como Sara Tuffington
• Ed Grady como Harry
• Obba Babatunde como Líder da banda
• Mark Johnson como Fotógrafo
• Starletta DuPois como Enfermeira Esther
• William Sattelberg como Dobre de acción de Ryan Gosling

Rodaxe

Boone Hall, a casa dos Hamilton na película

A rodaxe comezou o 7 de novembro de 2002 en Carolina do Sur cun orzamento de 30 millóns de dólares e prolongouse até febreiro de 2003. Nick Cassavetes buscou incansablemente o lugar perfecto para rodar a película. O produtor Mark Johnson explicaba que a película requiría unha pequena cidade do sur nunha contorna tranquila e rural, xa que a novela de Nicholas Sparks está ambientada en Newburn, Carolina do Norte, pero cando visitaron a zona de Charleston aos produtores gustoulles o sitio, así que trasladaron alí a historia.

Ambientaron logo a película no contorna costeira de Carolina nos anos corenta, foi rodada case en toda a súa totalidade en localizacións de Carolina do Sur: nas cidades de Charleston e Georgetown, a illa de Edisto, a base naval de Charleston, varias exuberantes plantacións e os Cypress Gardens do condado de Berkeley.

Diferenzas coa novela

• Na novela, Noah e Allie vólvense a ver tras 14 anos, no filme son 7.
• Na novela, Allie e Noah coñecéronse no verán de 1932, mentres que na película foi nos anos 40.
• Na novela Allie convértese nunha artista internacional.
• Noah escríbelle a Allie 365 cartas (unha diaria) na película, na novela redáctalle unha ao mes.
• Na novela, o pai de Allie é quen se opón á relación, en cambio, na película é a nai.
• Na novela, Allie xa tiña noivo denantes de coñecer a Noah.
• Na novela, Fin (o amigo de Noah) estaba enamorado de Allie.

Galardóns

A película recibiu 12 premios e 3 nomeamentos.

Premios

Teen Choice Awards

Candidatura	Categoría	Resultado	Ano
Nick Cassavetes	Mellor película dramática	Gañador	2005
Ryan Gosling	Mellor actor revelación masculino	Gañador	2005
Ryan Gosling	Mellor actor dramático	Gañador	2005
Rachel McAdams	Mellor actriz dramática	Gañadora	2005
Ryan Gosling e Rachel McAdams	Mellor química entre actores	Gañadores	2005
Ryan Gosling e Rachel McAdams	Mellor escena de amor	Gañador	2005

Mtv Movie Award

Candidatura	Categoría	Resultado	Ano
Ryan Gosling e Rachel McAdams	Mellor bico	Gañadores	2005
Rachel McAdams	Mellor actriz feminina	Gañadora	2005

Screen Actors Guild Awards

Candidatura	Categoría	Resultado	Ano
James Garner	Mellor actor secundario	Gañador	2005

Premios Satellite

Candidatura	Categoría	Resultado	Ano
Gena Rowlands	Mellor actriz secundaria	Gañadora	2005

Casting Society of America

Candidatura	Categoría	Resultado	Ano
Matthew Barry e Nancy Green-Keyes	Mellor casting de película	Gañadores	2005

BMI Film Music

Candidatura	Categoría	Resultado	Ano
Aaron Zigman	Mellor música de película	Gañador	2005

Candidaturas

Golden Trailer Awards

Candidatura	Categoría	Resultado	Ano
Nick Cassavetes	Mellor romance	Candidato	2005

Teen Choice Awards

Candidatura	Categoría	Resultado	Ano
Ryan Gosling e Rachel McAdams	Mellor baile de película	Candidatos	2005

Véxase tamén

Ligazóns externas

• Web oficial (en inglés)