Val d'Orcia

O Val d'Orcia ou Valdorcia é un amplo val situado na provincia de Siena, na Toscana, na parte da rexión que limita coa Umbría. Situado na Italia central, esténdese desde os montes ao sur de Siena até o monte Amiata.

Val d'Orcia

(it) Val d'Orcia
Tipo	val paisaxe cultural
Localización
División administrativa	Provincia de Siena, Italia
43°04′N 11°33′L
Bañado por	Orcia (en)
Cordilleira	Apeninos
Características
Patrimonio da Humanidade
Tipo	Patrimonio cultural  → Europa-América do Norte
Data	2004 (28ª Sesión), Criterios de Patrimonio da Humanidade: (iv) e (vi)
Identificador	1026
Sitio web	parcodellavaldorcia.com

Polo medio do val transcorre o río Orcia. A árbore característica é o ciprés. Na gastronomía son particulares os picis e o queixo Pecorino di Pienza, e entre os viños atópase o Brunello di Montalcino e o Vino Nobile di Montepulciano.

Xeografía

Caracterízase por ter outeiros suaves, terras cultivadas, ocasionalmente rotas por barrancos e poboacións como Pienza (reconstruída como unha «cidade ideal» no século XV baixo o mecenado do papa Pío II, Radicofani (casa do famoso heroe-bandido Ghino di Tacco) ou Montalcino.

Os concellos que forman parte do val son: Castiglione d'Orcia, Montalcino, Pienza, Radicofani e San Quirico d'Orcia. Outros centros importantes son Monticchiello, Bagno Vignoni, Montenero d'Orcia e Montegiovi.

Patrimonio da Humanidade

O val é tamén un importante parque natural, artístico e cultural, e desde o 2 de xullo de 2004 está recoñecido como Patrimonio da Humanidade pola Unesco, por estes criterios:

• Criterio (iv): O val d'Orcia é un reflexo excepcional da maneira na que a paisaxe foi re-escrita nos tempos renacentistas para reflectir os ideais do bo goberno e para crear unhas imaxes esteticamente atractivas.
• Criterio (vi): A paisaxe do val d'Orcia foi celebrada polos pintores da escola sienesa, que floreceron durante o Renacemento. Imaxes do val d'Orcia, e particularmente representacións de paisaxes nos que as persoas están representadas vivindo en harmonía coa natureza, convertéronse en iconas do renacemento e influíron profundamente no desenvolvemento do pensamento paisaxístico.

Véxase tamén

Ligazóns externas

• Páxina oficial do Parque Natural
• Imaxes do Val d'Orcia)