Winnie-the-Pooh
Winnie-the-Pooh, é un personaxe de ficción (un osiño amarelo) creado por A.A. Milne. A primeira colección de contos apareceu no 1926 titulada simplemente Winnie-the-Pooh e seguiu con The House at Pooh Corner (1928). Milne tamén fixo algúns poemas sobre este personaxe incluídos na obra When We Were Very Young (Cando eramos moi novos) (1924) e en Now We Are Six (Agora somos seis) (1927). Os catro volumes foron ilustrados por E.H. Shepard.
A Compañía Walt Disney adaptou os contos con grande éxito.
Traduciuse a numerosos idiomas, incluído o latín (Winnie ille Pu) en 1958.
Orixe
editar
Milne púxolle aos personaxes os nomes dos osiños de peluxe de seu único fillo, Christopher Robin, no que baseou o personaxe do neno (o humano) dos contos, agás o moucho e mais o coello (Owl e Rabbit), e o personaxe de Gopher engadido na versión da Disney. Os xoguetes orixinais que eran de Christopher Robin se exhibeixen na Biblioteca Main Branch de Nova York [1]
O nome de Winnie-The-Pooh provén dun oso pardo canadense que o fillo de A.A. Milne viu no zoo de Londres e dun cisne que el vía durante as vacacións. Cando o oso era aínda un cachorro, mercouno un militar canadense que lle puxo o nome de Winnie pois o militar era orixinario de Winnipeg, no Canadá. Este animal levouse até Inglaterra onde se converteu en mascota militar e finalmente parou no zoo de Londres rematando a primeira guerra mundial, onde era moi popular entre os visitantes.[2] O cisne Pooh aparece coma personaxe na obra When We Were Very Young.
Disney
editarLogo de que o ilustrador Slesinger finase no 1953, a súa viúva, Shirley Slesinger Lasswell, continuou ela mesma a debuxar o personaxe. No 1961, vendeu os dereitos de autor á Walt Disney Productions.[3] O mesmo fixo Daphne Milne incluíndo dereitos cinematográficos.
Dende 1966, a Disney realizou numerosas producións de debuxos animados baseadas en Winnie the Pooh e os seus amigos.
Adaptación soviética
editar
De 1969 a 1972 e con nome ruso de Vinni Pukh (Винни-Пух) fíxose unha triloxía de debuxos animados para a Soiuzmultfilm dirixida por Fiodor Khitruk. Os personaxes estaban debuxados dun xeito moi diferente ás anteriores ilustracións sendo a cor do osiño marrón no canto do amarelo da versión da Disney.
Notas
editar- ↑ "The Adventures of the Real Winnie-the-Pooh. The New York Public Library.
- ↑ "Winnie". Arquivado 30 de decembro de 2010 en Wayback Machine. Historica Minutes, The Historica Foundation of Canada. Consultado o 30 de maio de 2008.
- ↑ "The Curse of Pooh." Arquivado 18 de xuño de 2007 en Wayback Machine. Fortune.
Véxase tamén
editar| Wikimedia Commons ten máis contidos multimedia na categoría: Winnie-the-Pooh |
Ligazóns externas
editar- O oso orixinal, con A. A. Milne e Christopher Robin, no National Portrait Gallery, Londres
- Situacións auténticas Arquivado 23 de maio de 2015 en Wayback Machine., de the Ashdown Forest Conservators
- Winnie-the-Pooh na New York Public Library