Yannick Noah

Hall of fame	Info HOF
ATP	Info ATP

Yannick Noah
	;
Biografía
Nacemento	18 de maio de 1960 (64 anos); Sedan (Francia)
Altura	193 cm
Peso	85 kg
Lateralidade	destro
Actividade
Ocupación	tenista, artista discográfico, adestrador de tenis, cantante, witness filmed (en)
Período de actividade	1977 - 1996
Xénero artístico	Música pop e Funk
Patrimonio estimado	3.440.600 $
Instrumento	Voz
Selo discográfico	Sony Music Entertainment
Nacionalidade deportiva	Francia
Deporte	tenis
Disciplina deportiva	tenis ; tenis dobres
Man de xogo	destro
Adestrado por	Patrice Hagelauer (en)
Hall of fame	Info HOF
ATP	Info ATP
Familia
Cónxuxe	Heather Stewart-Whyte (1995–1999); Cecilia Rodhe (1984–1987)
Fillos	Joalukas Noah; () Isabelle Camus; Joakim Noah; () Cecilia Rodhe; Eleejah Noah; () Heather Stewart-Whyte
Pais	Zacharie Noah e Marie-Claire Noah
Parentes	Simon Noah Bikié, avó
Premios
	(29 de decembro de 2022) Cabaleiro da Lexión de Honra; (2004) Philippe Chatrier Award (pt) ; (1983) Campión de Campións de L'Equipe; International Tennis Hall of Fame ;
Sitio web	yannicknoah.com

Yannick Noah, nado en Sedan, Ardenas, o 18 de maio de 1960 é un antigo tenista profesional e cantante francés.^[1] En 2005 foi incluído no International Tennis Hall of Fame. Retirado do mundo do tenis, dedicouse á música e tamén fundou unha organización benéfica. O seu fillo Joakim Noah é xogador dos Chicago Bulls da NBA.^[2]

Traxectoria

Carreira deportiva

Noah naceu en Francia en 1960, fillo de Zacharie Noah, un futbolista camerunés, e de Marie-Claire, profesora francesa e xogadora de baloncesto. Debido a unha grave lesión do seu pai en 1963, a familia trasladouse ao Camerún onde comezou a xogar ao tenis. Aos 11 anos foi descuberto polos tenistas Arthur Ashe e Charlie Pasarell, e o seu talento non pasou desapercibido pola federación francesa de tenis, o que lle permitiu regresar a Francia en 1971.^[3] Fíxose profesional en 1977^[2] e gañou o seu primeiro título en Manila ao ano seguinte. O fito deportivo máis importante que logrou foi o triunfo na final masculina de Roland Garros en 1983.^[4] Había 37 anos sen que o torneo tivese un gañador local, despois da vitoria de Marcel Bernard en 1946^[5], e, a data de 2023, aínda non volveu haber outro gañador francés. Ao ano seguinte, en 1984, tamén se impuxo na final de dobres co seu compatriota Henri Leconte. En agosto de 1986 converteuse no número 1 da clasificación de dobres, posto que ocupou durante 19 semanas. Na clasificación individual acadou a terceira posición, e segue sendo o tenista francés que alcanzou máis alto na clasificación individual desde a súa introdución (outros once chegaron ao top10).^[6] Non gañou outro título de Grand Slam pero xogou outras dúas finais de dobres con Leconte (Aberto dos Estados Unidos, 1985) e Guy Forget (Roland Garros, 1987).

Tamén foi capitán dos equipos franceses da Copa Davis e da Copa Federación. Acadou o terceiro posto na clasificación individual e o máis alto da clasificación de dobres.

Carreira musical

Noah en concerto en Rennes (2011).

Despois de retirarse do tenis profesional, Noah comezou unha carreira como cantante actuando varias veces por toda Europa. O primeiro álbum musical foi lanzado en 1991 co título Black or What . Entre as cancións dos primeiros traballos destacan "Saga Africa", "Get on Back" e "Simon Papa Tara", esta última coa colaboración de Erick Benzi e Robert Goldman. Tamén cantou cancións de Téléphone e Bob Marley.^[7] En vendas, destacou o sétimo disco titulado Charango (2006), que superou o millón de copias grazas aos sinxelos "Donne-moi une vie" e "Aux arbres citoyens ". En 2010 volveu co seu oitavo traballo chamado Frontières, no que destaca a canción "Angela", dedicada á activista política Angela Davis. O seu último traballo foi Hommage publicado en 2012.

Black and What (1991)
Urban Tribu (1993)
ZamZam (1998)
Yannick Noah (2000)
Live 2002 (2002)
Pokhara (2003)
Métisse(s) (2005)
Frontières (2010)

Caridade

Noah é moi activo en eventos e organizacións benéficas. Entre estas organizacións e campañas destacan Enfants de la Terre, creada pola súa nai Marie-Claire (1988), Fête le Mur, que el mesmo fundou (1996) para nenos desfavorecidos de zonas pobres e suburbios. Tamén é portavoz de Appel des Enfants pour l'Environnement, que pertence ao Fondo Mundial para a Natureza (WWF), e participou cantando con Les Enfoirés para axudar a Les Restos du Cœur.

Vida persoal

Casou coa modelo sueca Cécilia Rodhe, Miss Suecia en 1978 e escultora, coa que tivo dous fillos, Joakim (1985) e Yelena (1986). O primeiro é un famoso xogador de baloncesto da NBA cos Chicago Bulls mentres que Yelena é modelo. Máis tarde separouse e casou coa modelo británica Heather Stewart-Whyte coa que tivo dous fillos máis, Elijah (1996) e Jénayé (1997). Após separarse de Heather, casou coa produtora de televisión francesa Isabelle Camus, coa que tivo o seu quinto fillo, Joalukas (2004).

Despois de separarse de Isabelle, casou cunha brasileira coa que rexenta en Saint Barthélemy, nas Antillas Francesas, un restaurante chamado Do Brazil.^[8]

O 15 de xullo de 1996 foi demandado polas autoridades francesas por evasión fiscal durante os anos 1993 e 1994, e o tribunal confirmou posteriormente que Noah non declarara tres contas bancarias en Suíza, Holanda e os Estados Unidos.

Véxase tamén

Ligazóns externas

Yannick Noah no International Tennis Hall of Fame (en inglés)

↑ "Yannick Noah; Overview; ATP Tour, Tennis". ATP Tour. Consultado o 2023-02-25.
↑ ^2,0 ^2,1 Djata, Sundiata (2008-05-01). Blacks at the Net: Black Achievement in the History of Tennis, Volume Two (en inglés). Syracuse University Press. ISBN 978-0-8156-0898-1.
↑ Boli, Claude (2010-05-01). "Les footballeurs noirs africains en France". Hommes & migrations. Revue française de référence sur les dynamiques migratoires (en francés) (1285): 14–30. ISSN 1142-852X. doi:10.4000/hommesmigrations.1173.
↑ Parent, Milena M.; Chappelet, Jean-Loup (2017-07-14). Routledge Handbook of Sports Event Management (en inglés). Routledge. ISBN 978-1-135-10437-5.
↑ Bodo, Peter (2011-06-17). The Courts of Babylon: Dispatches From The Golden Age of Tennis (en inglés). Diversion Books. ISBN 978-0-9829050-5-0.
↑ "Tennis en France" (en francés). 2022-08-30.
↑ "Yannick Noah - Redemption Song (Clip officiel)". Consultado o 2023-02-25.
↑ agenciahelice,terra. "Restaurante com sotaque brasileiro serve moqueca em St Barth". Terra (en portugués). Consultado o 2023-02-25.

[1] "Yannick Noah; Overview; ATP Tour, Tennis". ATP Tour. Consultado o 2023-02-25.

[:0-2] 2,0 ^2,1 Djata, Sundiata (2008-05-01). Blacks at the Net: Black Achievement in the History of Tennis, Volume Two (en inglés). Syracuse University Press. ISBN 978-0-8156-0898-1.

[3] Boli, Claude (2010-05-01). "Les footballeurs noirs africains en France". Hommes & migrations. Revue française de référence sur les dynamiques migratoires (en francés) (1285): 14–30. ISSN 1142-852X. doi:10.4000/hommesmigrations.1173.

[4] Parent, Milena M.; Chappelet, Jean-Loup (2017-07-14). Routledge Handbook of Sports Event Management (en inglés). Routledge. ISBN 978-1-135-10437-5.

[5] Bodo, Peter (2011-06-17). The Courts of Babylon: Dispatches From The Golden Age of Tennis (en inglés). Diversion Books. ISBN 978-0-9829050-5-0.

[6] "Tennis en France" (en francés). 2022-08-30.

[7] "Yannick Noah - Redemption Song (Clip officiel)". Consultado o 2023-02-25.

[8] ,terra. "Restaurante com sotaque brasileiro serve moqueca em St Barth". Terra (en portugués). Consultado o 2023-02-25.

[1]

[2]

[3]

[4]

[5]

[6]

[7]

[8]